Ehiã Be Míadzra Ðo Hafi Ate Ŋu Afia Nu Nyuie

Wobia nya ɖeka aɖe Yesu zi eve ya teti tso agbe mavɔ ŋu, gake eɖo eŋu na ame siwo bia nyae la dometɔ ɖe sia ɖe ɖe eƒe hiahiãwo nu. (Luka 10:25-28; 18:18-20) Eya ta, togbɔ be míanya nya siwo le Biblia srɔ̃gbalẽa me nyuie hã la, ele be míadzra ɖo ɖe nusɔsrɔ̃ ɖe sia ɖe si míawɔ kple nusrɔ̃vi aɖe la ŋu do ŋgɔ. Nufiafia kawo gɔmesesee asesẽ nɛ alo kawo dzie malɔ̃ ɖo bɔbɔe o? Ŋɔŋlɔ siwo woyɔ dometɔ kawoe míaxlẽ? Nu agbɔsɔsɔ kae míasrɔ̃? Ðewohĩ ahiã be míadzra ɖo ɖe kpɔɖeŋu, numeɖeɖe alo nyabiasewo ŋu be míatsɔ akpe ɖe nusrɔ̃via ŋu wòase nusɔsrɔ̃a gɔme. Tsɔ kpe ɖe eŋu la, esi wònye Yehowae nana nyateƒea ƒe ku tsina le nusrɔ̃viwo ƒe dzi me ta la, ele be míado gbe ɖa abia Yehowa be wòayra ɖe míaƒe dzadzraɖo, nusrɔ̃via kple agbagba si dzem míele be míakpe ɖe eŋu wòatsi le gbɔgbɔ me la dzi.—1 Kor. 3:6; Yak. 1:5.