Yehowa Wɔ Ðoɖo Be Míaɖe Gbeƒã Na Ame Sia Ame

Ale si ko Yehowa na Israel-viwo nɔ ɖoɖo nua, ena eƒe ame siwo li egbea hã le ɖoɖo nu be woawɔ eƒe lɔlɔ̃nu. Le xexea me godoo la, woɖo alɔdzedɔwɔƒewo, nutome suewo, hamewo, kple gbeadziƒuƒoƒowo ale be míate ŋu aɖe gbeƒã nya nyuia. Míeɖea gbeƒã na ame sia ame, ame siwo doa gbe bubu hã.—Nyɖ 14:6, 7.

Ðe nèbu eŋu kpɔ be yeasrɔ̃ gbe bubu be nàte ŋu akpe ɖe amewo ŋu woava nya nyateƒea? Ne vovo mele ŋuwò nàsrɔ̃ gbe bubu o hãa, àte ŋu azã JW Language dɔwɔnua atsɔ asrɔ̃ dzeɖonya bɔbɔe aɖe. Ne ète ŋu zãe le gbeadzia, ɖewohĩ wò hã àkpɔ dzidzɔ si ƒe alafa gbãtɔ me Kristotɔwo kpɔ esi ame siwo tso dukɔ bubuwo mea se “Mawu ƒe nu dzɔtsuwo” ŋu nya le wo degbe me wòwɔ nuku na wo.—Dw 2:7-11.

MIKPƆ VIDEO SI NYE NYE YEHOWA XƆLƆ̃—ÐE GBEƑÃ NA DUTAGBEDOLAWO, EYOME MIAÐO BIABIA SIAWO ŊU:

• 

  Ɣekaɣie nàte ŋu azã JW Language dɔwɔnua?

• 

  Gblɔ nu siwo le edzia dometɔ aɖewo.

• 

  Gbe kawoe amewo dona le wò anyigbamama me?

• Nu kae wòle be nàwɔ ne ame aɖe si tsɔ ɖe le Fiaɖuƒe gbedeasia mea doa gbe bubu?—od 100-101 ¶39-41