Míawɔ Gbeƒãɖeɖedɔ Tɔxɛ Le September Me Atsɔ Adze Biblia Sɔsrɔ̃ Gɔme Kple Amewo

Le September mea, míazã Kpɔ Dzidzɔ Le Agbe Me Tegbee! gbalẽ gbadzaa atsɔ ado Biblia sɔsrɔ̃ ɖe ame sia ame gbɔ. Gbeƒãɖela siwo di be yewoawɔ kpekpeɖeŋu mɔɖeɖedɔa ate ŋu ana gaƒoƒo 30. Aleke míawɔ dɔ tɔxɛ siae?

• Ne Míeyi Zi Gbãtɔ: Zã agbalẽ gbadzaa ƒe megbekpaa dzi nàtsɔ anyɔ amea ƒe ɖetsɔleme eye dze agbagba nàwɔ ale si míesrɔ̃a Biblia kple amewo wòakpɔ. Mègaŋlɔ ame siwo tsɔ ɖe le nyaa me kpɔ kple ame siwo nèdo ŋugbe na be yeatrɔ ava hã be o. Ne womelɔ̃ tsã be yewoasrɔ̃ Biblia o hãa, ɖewohĩ woadii azɔ le nusɔsrɔ̃ ƒe mɔnu yeye kple agbalẽ gbadzaa si zãm míele fifia ta. Mègada agbalẽ gbadza sia ɖi na ame siwo mètu le aƒe me o, eye mègatsɔe kpe ɖe lɛtawo ŋu aɖo ɖe ame siwo metsɔ ɖeke le eme va yi o. Hamea Ƒe Subɔsubɔ Kɔmitia ate ŋu awɔ ɖoɖo gbeƒãɖelawo nayi gbeadzi le ŋkeke bubuwo dzi le ɣletia me.

• Mɔnukpɔkpɔ Bubuwo: Ne miaƒe hamea zãa ɖaseɖikekeviwo la, ke miɖo Kpɔ Dzidzɔ Le Agbe Me Tegbee! gbalẽ gbadzaa ɖe edzi. Na ame siwo lɔ̃ xɔ agbalẽ gbadza sia nanya be ɖe míezãnɛ koŋ tsɔ dzroa Biblia me kple amewo femaxee. Wɔ ale si míesrɔ̃a Biblia kple amewo fiae kpuie, alo wɔ ɖoɖo nàwɔe kplii emegbe. Subɔsubɔdɔdzikpɔla ate ŋu awɔ ɖoɖo gbeƒãɖela bibi aɖewo nayi dɔwɔƒe siwo le miaƒe anyigbamama me avae do Biblia sɔsrɔ̃ ɖe amewo gbɔ. Àte ŋu ado Biblia sɔsrɔ̃ ɖe wò dɔwɔhatiwo alo ame siwo nèɖia vomeɖase na hã gbɔ.

Yesu de se na mí be ‘míawɔ amewo nusrɔ̃lawo,’ eye ‘míafia nu wo.’ (Mt 28:19, 20) Neva eme be míazã Kpɔ Dzidzɔ Le Agbe Me Tegbee! gbalẽ gbadzaa le gbeƒãɖeɖedɔ tɔxɛ sia me atsɔ aɖo taɖodzinu sia gbɔ.