Mme N̄wed Emi Ẹsiakde ke N̄wed Mbono Esop Uwem ye Utom Nnyịn

FEBRUARY 25–MARCH 3

it-1-E 1260 ¶2

Ufụp

Idiọk Ifịk. Owo ekeme ndinen̄ede nnyene ifịk mban̄a n̄kpọ emi mînenke mînyụn̄ inemke Abasi esịt. Se ediwak mme Jew ẹkenamde edi oro. Mmọ ẹkekere ke mmimọ ndinam se Ibet Moses ọkọdọhọde edinam mmimọ idi ndinen owo. Edi Paul ama owụt ke ifịk oro mmọ ẹkenyenede ikasan̄ake ye nnennen ifiọk. Ntak edi oro Abasi mîkadaha mmọ nte ndinen owo. Akana mmọ ẹnyịme ndudue mmọ ẹnyụn̄ ẹwọn̄ọde ẹtiene Abasi ke ndinam se Christ ọdọhọde man mmọ ẹnen ke enyịn Abasi, ẹnyụn̄ ẹwọrọ ke ubiomikpe Ibet Moses. (Ro 10:1-10) Saul emi okotode Tarsus ekenyene utọ ifịk oro. Enye ama enen̄ede esịn idem ke ido ukpono mme Jew onyụn̄ ọkọbọ esop Abasi tutu oyom ndisobo mmọ mfep. Enye ama enịm Ibet Moses tutu edi se enye ọdọhọde ke imọ inyeneke nduduọhọ. (Ga 1:13, 14; Php 3:6) Edi ifịk oro enye ekenyenede ọnọ ido ukpono mme Jew ikasan̄ake ye nnennen ifiọk. Kpa ye oro, enye ama enyene eti esịt, ntak edi oro Jehovah akadade Christ ọfọn enye mfọn emi owo mîdotke, onyụn̄ anam enye edikpono imọ ke nnennen usụn̄.—1Ti 1:12, 13.