Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • w00 7/1 t. 28-31
  • Ra iVakatawa Lotu Vakarisito, ni ‘Dolava na Yalomuni’!

Sega na kena vidio.

Vosota, sega ni laurai rawa na vidio.

  • Ra iVakatawa Lotu Vakarisito, ni ‘Dolava na Yalomuni’!
  • Na Vale ni Vakatawa Kacivaka na Matanitu i Jiova—2000
  • Ulutaga Lailai
  • iKuri ni Ulutaga
  • Dodonu na iNaki
  • Vakavulici Ira Tale e So Mera iVakatawa
  • iVakatawa, iVakavuvuli Ena Gauna Kece
  • iKuri ni Veivakatawani
  • iVakatawa Era ‘iVakaraitaki Vei Ira na Qelenisipi’
    Na Vale ni Vakatawa Kacivaka na Matanitu i Jiova—2006
  • Kemuni na iVakatawa, Vakatotomuri Rau na iVakatawa Levu
    Na Vale ni Vakatawa Kacivaka na Matanitu i Jiova—2013
  • “Na iVakatawa Era Donu e Lomaqu”
    iTukutuku ni Kalou Vei Keda ena Gusu i Jeremaia
  • O Jiova e Vakarautaki Ira na iVakatawa ni Nona Qelenisipi
    Na Vale ni Vakatawa Kacivaka na Matanitu i Jiova—2006
Na Vale ni Vakatawa Kacivaka na Matanitu i Jiova—2000
w00 7/1 t. 28-31

Ra iVakatawa Lotu Vakarisito, ni ‘Dolava na Yalomuni’!

“A NOQUI vakatawa ko Jiova; ena sega na ka me yali vei au.” E vakaraitaka e keri o Tevita ni nuitaka dina nona Kalou. O Jiova e kauti koya vakayalo ina “vanua veico drokadroka” kei na “bati ni uciwai sa drodro malua” qai tuberi koya “e na sala dodonu.” Nira saqati koya nona meca, e tokoni koya qai vakayaloqaqataki koya o Jiova, e mani kaya kina o Tevita: “Ka’u na sega ni rerevaka na ca: ni kemuni sa tiko vata kei au.” Ni tiko nona iVakatawa Cecere Duadua, e nakita kina o Tevita me “tiko ga e na vale nei Jiova ka sega ni mudu.”​—Same 23:​1-6.

E vakila tale ga na Luve ni Kalou duabau ga e vakatuburi na veikaroni yalololoma i Jiova, mani vakadamurimuria vinaka o Jisu na ivalavala ni veikaroni oya ni veitaratara kei ira nona tisaipeli ena gauna e tu kina e vuravura. E vakatokai koya kina na iVolatabu me “i vakatawa vinaka,” “i Vakatawa Levu,” kei “na ivakatawa uasivi.”​—Joni 10:​11, VV; Iperiu 13:​20, VV; 1 Pita 5:​2-4, NW.

O Jiova kei Jisu Karisito erau se vakatawani ira tiko ga na lomani rau. E vakilai vakatikina na ivalavala ni nodrau veivakatawani ena nodra veivakatawani na ivukevuke ni ivakatawa ena ivavakoso. Ni vosa tiko vei ira na ivukevuke ni ivakatawa, e kaya o Paula: “O koya ga mo dou vakaraici kemudou, kei ira kecega na qele-ni-sipi, sa lesi kemudou kina na Yalo Tabu mo dou nodrai vakatawa, mo dou vakania nai soqosoqo lewe ni lotu ni Kalou; ko ira sa volia ko koya, e na nona dra ga.”​—Cakacaka 20:​28.

E sega ni ka rawarawa nodra vakatawani na qelenisipi ena ivalavala erau cakava o Jiova kei Karisito Jisu, ia sa qai vinakati ga vakalevu ena gauna oqo. Vakasamataka mada, e sivia e duanamilioni na iVakadinadina era papitaiso ena loma ni tolu na yabaki sa oti! E se sega ni tiko vei ira na kila, e dau taura e vica vata na yabaki me qai rawati. Vakasamataki ira tale ga na iVakadinadina era se gone se itabagone. Era sega ni kauaitaki ga mai vei rau na itubutubu, era na kauaitaki ira tale ga na ivukevuke ni ivakatawa ena ivavakoso.

Ena vakatovolei na lotu Vakarisito kece, wili ena veivakatovolei oqo na nona bacani me veimurimuri. E dodonu tale ga meda sabaya na idre kaukaua ni nanumi keda ga e vakatura o vuravura. Ena so na vanua, era na yalolailai beka na dautukutuku ni Matanitu ni Kalou baleta ni sega ni taleitaki soti na nodra itukutuku. E levu na dautukutuku era tauvimate levu. Na leqa vakailavo e rawa ni vakadredretaka nodra vakaliuca na Matanitu ni Kalou e so. O koya gona, o keda kece​—okati kina o ira na sa tiko dede ena dina​—e dodonu mera vukei keda na ivakatawa dau loloma.

Dodonu na iNaki

Era vakauqeti na lotu Vakarisito ena imatai ni senitiuri mera ‘dolava na yalodra.’ (2 Korinica 6:​11-​13, VV) Ena yaga ke ra muria na qase ni ivavakoso lotu Vakarisito na ivakasala oqo nira qarava tiko na nodra itavi ni veivakatawani. Mera cakava vakacava? Vakacava o ira na dauveiqaravi vakaitalatala, e levu vei ira era na lai qase tale ga?

Mera yaga na qase lotu Vakarisito vei ira na qelenisipi, mera kua ni raica wale ga na nodra cakacaka me vaka e itavi. Era vakasalataki: “Ni vakatawa na qele ni sipi ni Kalou era sa tiko e na kemuni maliwa; me kakua ni ka ni veivakasaurarataki, ia me caka ga e na yalo makutu; me kakua ni ka ni vaqara i sau ga, ia e na yalo ga e taleitaka me veiqaravi.” (1 Pita 5:2, VV, neitou na matanivola kala.) Me yaga nodra veivakatawani, e dodonu mera yalomakutu, mera taleitaka tale ga na veiqaravi. (Joni 21:​15-​17) Kena ibalebale mera dau kila na ka era gadreva na sipi, ra qai veivukei sara vakatotolo. Era na saga tale ga mera bulataka na itovo uasivi vakarisito e vakatokai me vua ni yalo tabu ni Kalou ena gauna era veivukei kina.​—Kalatia 5:​22, 23.

Nira veivakatawani era na rairai sikovi ira tale ga na tacidra ena nodra vale.a Ia, o ira na ivakatawa era ‘dolava na yalodra’ era dau soli ira ena cakacaka oqo. Era na sega kina ni yalana nodra veivakatawani ena gauna ga ni veisiko. Era na saga vakaukaua mera veivakatawani ena gauna cava ga era tiko vata kina kei ira na qelenisipi.

Vakavulici Ira Tale e So Mera iVakatawa

Se ra qase se gone, na tacida tagane e “gadreva me veiliutaki [se, “ivakatawa,” NW] . . . sa gadreva me cakava na cakacaka vinaka.” (1 Timoci 3:1, VV) Levu tale ga na dauveiqaravi vakaitalatala era sa vakadinadinataka ni rawa mera colata e so tale na itavi. E ka ni marau vei ira na qase mera vukei ira na tacida lomasoli vaka oya era “gadreva me veiliutaki [se, “ivakatawa”].” Ia, ena vinakati mera vakavulici me rawa nira qai ivakatawa vinaka.

Nira muria vinaka tiko na ivakatagedegede cecere ni Kalou na lewe ni ivavakoso vakarisito i Jiova, e sega kina nira vakamalumalumutaki mai vei ira na ivakatawa vakailasu, me vakataki ira na ivakatawa e tukuni ira na Isikeli 34:​2-6. O ira oqori era vakasisila ena mata i Jiova, ia e dodonu me vaka kina. Era sega ni vakania na qelenisipi, era vakani ira ga. Era sega ni vakaukauataki ira na malumalumu, vakabulai ira na tauvimate, vauci ira na ramusu, se vakauti ira tale mai na sa talabusese, se o ira na yali. Era sega ni vaka na ivakatawanisipi, era vakataki ira ga na wolifa nira vakasaurarataki ira na sipi. Era talabusese na sipi ni sega ni dua e qaravi ira.​—Jeremaia 23:​1, 2; Neumi 3:​18; Maciu 9:36.

Era sega ni vakataki ira na ivakatawa tawayalodina oya na ivakatawa lotu Vakarisito, baleta nira muria na ivakaraitaki i Jiova. Era kauti ira na sipi ina “vanua veico drokadroka” vakayalo kei na “bati ni uciwai sa drodro malua.” Era saga mera tuberi ira na sipi “e na sala dodonu” nira vukei ira mera kila vinaka na Vosa i Jiova, mera bulataka tale ga. Era maqosa ena cakacaka oqo baleta nira “vakatavuvuli vakavuku [se, “kenadau ena veivakavulici,” NW].”​—1 Timoci 3:2.

Era veivakavulici vakalevu ga na qase ena gauna ni soqoni vakaivavakoso. Ia, era veivakavulici yadudua tale ga na qase. E so era matau cake ena veivakavulici yadudua, ia e so e nodra mesamesa na vunau. Ia ena sega ni vakacegui e dua mai na veivakavulici baleta ni sega soti ni vinaka na ivakatagedegede ni nona veivakavulici ena dua na basoga ni veivakavulici. E levu na sala era veivakavulici kina na qase, okati kina na veivakatawani. E so na veivakatawani e dau lokuci na gauna me caka kina. Ia e levu tale ga na veivakatawani e yaga e rawa ni caka ena veigauna tale e so e sega ni lokuci.

iVakatawa, iVakavuvuli Ena Gauna Kece

E vinakati vua na vuniwai na kila kei na yalomatua. Ia era na dokai koya vakalevu na tauvimate ke dau yalovinaka, dau loloma, qai veikauaitaki dina. E dodonu me bulataka na veitovo oya. Na itovo vata oqori e dodonu me bulataka e veisiga na ivakavuvuli kei na ivakatawa vinaka. Ena tu vakarau tale ga me veivakavulici ena gauna ga e vinakati kina. E kaya na Vosa Vakaibalebale 15:23: “Na kena vinaka na vosa e na gauna e yaga kina!” Na “gauna e yaga kina” e rawa ni gauna e vunau tiko kina ena buturara, ena veivale, se ni vosa vua e dua ena Kingdom Hall, se ena talevoni. Me saga tale ga na ivakatawa vinaka me bulataka na itovo vinaka ena veigauna kece, sega ni gauna ga e veivakatawani tiko kina. Ena ‘dolava na yalona’ me vakatawani ira na sipi, me vukei ira ena gauna ga era gadrevi koya kina. Era na taleitaki koya vakalevu kina na sipi.​—Marika 10:43.

O Wolfgang, sa qase tiko ni ivavakoso ena gauna oqo, e nanuma lesu nodrau sikova nona matavuvale e dua na dauveiqaravi vakaitalatala kei watina. E kaya: “Eratou marautaka dina na luvequ na nodratou kauaitaki ena neitou veimaliwai oya. E se wewe ni gusudratou tiko ga ena gauna oqo.” Io, e veikauaitaki na dauveiqaravi vakaitalatala oya; e ‘dolava na yalona.’

E rawa tale ga mo ‘dolava na yalomu’ ena nomu sikovi ira na tauvimate, ni o vakauqeti ira ena dua na ivola lekaleka, se qiriti ira ena talevoni​—se vakayagataka na sala cava ga o rawata mera kila kina ni o kauaitaki ira! Veivuke ena gauna o gadrevi kina. Ke ra via tukuna e so na ka, rogoci ira vinaka. Talanoataka na cakacaka vakalou e veiuqeti e caka tiko ena nomu ivavakoso kei na vanua tale e so. Vakamuai ira tiko ga ina veivakalougatataki e yalataka o Jiova vei ira na lomani koya.​—2 Korinica 4:​16-​18.

iKuri ni Veivakatawani

Ni o kila na inaki ni veivakatawani, ena macala vei iko ni nomu sikovi ira na tacimu ena nodra vale ena dua na gauna lokuci e ka bibi dina, ia oqori e tiki lailai wale ga ni nomu veivakatawani. Na ivakatawa dau loloma e ‘dolava na yalona’ ena rawarawa ni torovi me baleta na veika kece ena gauna kece ga. Ni dau veimaliwai vinaka kei ira na tacina, era na sega ni rere na tacina mera raici koya ena gauna era leqa kina baleta nira kila ni tacidra dau loloma na ivakatawa lotu Vakarisito oya, e dau kauaitaki ira.​—Same 23:4.

Ra ivakatawa lotu Vakarisito, ni ‘dolava na yalomuni.’ Ni vakaraitaka nomuni lomani ira dina na tacimuni​—ni uqeti ira, vakacegui ira, ni tarai ira cake vakayalo ena sala kece oni rawata. Vukei ira mera tudei ena vakabauta. (Kolosa 1:23) Nira tu na ivakatawa lotu Vakarisito era ‘dolava na yalodra,’ ena sega na ka me yali vei ira na sipi. Me vakataki Tevita, era na vakadeitaka mera tiko ga ena vale i Jiova me sega ni mudu. (Same 23:​1, 6) E sega li ni ka oya e vinakata na ivakatawa dau loloma?

[iVakamacala e ra]

a Na veika e vakaturi me baleta na veivakatawani e tabaki ena Watchtower, 15 Sepiteba, 1993, taqana e 20-3, kei Na Vale ni Vakatawa, 15 Maji, 1996, taqana e 24-7.

[iYaloyalo ena tabana e 30]

O Ira na iVakatawa Lotu Vakarisito Era

• Veiqaravi ena yalomakutu kei na yalo e rekitaka

• Vakania na qelenisipi, era qarava tale ga

• Vukei ira na tani mera tadolova yani na cakacaka vakaivakatawa

• Sikovi ira na tauvimate, ra kauaitaki ira tale ga

• Tu vakarau mera vukei ira na tacidra ena veigauna kece ga

[iYaloyalo ena tabana e 31]

Era na veivakatawani tiko na qase ena gauna ni cakacaka vakavunau, ena soqoni, kei na gauna ni veilasamaki

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta