Vulici ni Parofisai i Taniela

¹ Mai na macawa ni 17 Epereli, sa da na vulica na ivola, Nanuma Matua na Parofisai i Taniela! ena Vulivola ni iVavakoso. Levu era sa wilika oti na ivola totoka oqo, ia oqo meda sa na raica mada na kena totoka nida veivosakitaka vakailawalawa na lewena. Oni sureti na dautukutuku kece, tataleitaki, kei na gone, mo ni tiko ena veimacawa yadua ni veivosakitaki na ivola titobu oqo i Taniela.​—Vkru. 31:12, 13.

² iTuvatuva ni Vuli Kei na iVakaro: Sa vakau tiko yani ena Noda Cakacaka Vakaitalatala ni Matanitu oqo na ituvatuva taucoko ni kena vulici na Parofisai i Taniela. Kua ni guilecava mo vakaciqira e dua na ilavelave ena nomu ivola ni vuli. Sa vakarautaki toka ena ituvatuva na parakaravu mai na ivola kei na tikina e so mai na ivola i Taniela ena vulici ena macawa yadua. Na ivakamacala e ra e vakaraitaki tiko kina na sala, kei na gauna ena veivosakitaki kina e so na tikina mai na ivola. Ena icavacava ni vuli ena veimacawa, e vakauqeti na qasenivuli me railesuva vata kei na nona iwasewase na veitikina mai na Taniela era volai toka ena ituvatuva ni macawa oya. Ke vo na gauna, e rawa nira wili na veitikina oqo, qai so e vakamacala kina. E so na tikina era sa wiliki oti e rawa nira wiliki tale ena macawa e tarava ena vuku ni kena vakabibitaki tiko ga na tikina eda vulica mai kina.

³ Vakarautaka Sara Vakavinaka na Vuli: E sega so ni levu na ka e tuvai me vulici e veimacawa baleta me soli na gauna me veivosakitaki kina vakavinaka na ka e vulici. E va taucoko na macawa ni vuli era lekaleka sara. O koya gona, ni cava na vuli ena macawa ni 5 June, e rawa ni raica o qasenivuli me railesuvi na Taniela 2:1-40. Ena macawa ni 26 June, e rawa ni railesuvi na Taniela 3:1-30. Ena macawa ni 4 Sepiteba, e dodonu me dua na gauna me veivosakitaki sara kina vakavinaka na iyaloyalo kei na veitikinivolatabu ena taqana 139. Na chart ena taqana 188 kei na 189 e dodonu me veivosakitaki ena vuli ni macawa ni 2 Okotova.

⁴ Vakavakarau vinaka sara ena vuli e veimacawa, me gu tale ga na lomamu mo vakaitavi kina. Kua ni taura vakamamada na nomu mai veimaliwai tiko kei na isoqosoqo i Jiova kei na veika titobu era vakarautaka tiko mai na lumuti yalodina. (Tani. 12:3, 4) Vakayaloqaqataki ira na tani mera kua ni dau calata na vulivola. Meda nanuma matua kece mada ga na vosa ni yalayala ni Kalou e vakatakilai mai ena ivola vakatubuqoroqoro na Taniela.​—Iper. 10:23-25; 2 Pita 1:19.