AKPÁXWÉ 8

Nǔ E Biblu Ðɔ lɛ é Bǐ Nɔ Jɛ

Tàn e Biblu kpi lɛ é bǐ wɛ nyí nugbǒ. É ka lɛ́ ɖɔ nǔ e na wá jɛ ɖò sɔgudo lɛ é lɔ. Gbɛtɔ́ lɛ sixu ɖɔ nǔ e na wá jɛ ɖò sɔgudo é ǎ. Nǔ e wu mǐ ganjɛwu ɖɔ xó Mawu tɔn wɛ ɖò Biblu ɔ mɛ é nɛ. Etɛ Biblu ka ɖɔ dó sɔgudo wu?

É ɖɔ xó dó ahwan ɖaxó Mawu tɔn wu. Ahwan enɛ hwenu ɔ, Mawu na ɖè nǔnyanyawiwa kpo nǔnyanyawatɔ́ lɛ bǐ kpo sín ayikúngban ɔ jí, amɔ̌, é na cyɔn alɔ mɛ e nɔ sɛ̀n ɛ lɛ é jí. Jezu Klisu e Mawu sɔ́ axɔsu é, na bló bɔ deví Mawu tɔn lɛ na ɖu vivǐ fífá kpo awǎjijɛ kpo tɔn. Ye sɔ́ na j’azɔn alǒ kú kpɔ́n gbeɖé ǎ.

Mawu na bló palaɖisi yɔyɔ̌ ɖé dó ayikúngban ɔ jí. Xomɛ ɖó na hun mǐ à cé? Amɔ̌, enyi mǐ jló na nɔ palaɖisi enɛ mɛ ɔ, mǐ ɖó na wà nùɖé. Ðò tàn gudo tɔn ɔ mɛ ɔ, mǐ na ɖɔ xó dó nǔ e mǐ ɖó na wá bo na ɖu vivǐ nǔ e Mawu sɔ́ ɖó te nú mɛ e ɖò sinsɛn ɛ wɛ lɛ é wu. Enɛ wu ɔ, xà Akpáxwé TANTƆNGƆ ɔ bo ba dò nú nǔ e Biblu ɖɔ dó sɔgudo wu é.