TOƁƁERE 15
Ko hommbo woni annabi Iisaa ?
E nder taariika tagaaɗo, ko annabi Iisaa ɓuri nanntude innde. Ɗun no firi buy no anndi innde makko nden, kono ɓe anndaa fii makko kanko tigi tigi e yimɓe buy no mari miijooji sertuɗi fii makko. Ko honɗun Deftere Alla nden haali fii makko ?
1. Ko hommbo woni annabi Iisaa ?
Annabi Iisaa ko malaa’ikaajo dolnuɗo wonuɗo ka kammu. Ko kanko Yahuwah Alla adii tagude. Ko ɗun waɗi himo noddaa « afo e hoore kala ko tagaa » (Koloosi 1:15). Deftere Alla nden wi’i annabi Iisaa ko ‘Ɓiɗɗoa Alla bajjo on’, ɓayri ko kanko tun woni mo Yahuwah Alla rewraali hay gooto fii tagugol (Yuuhanna 3:16). Annabi Iisaa wallitino Baaba makko, Yahuwah Alla, fii tagugol piiji heddiiɗi ɗin fow (janngee Tindi 8:30, VPFJ). Annabi Iisaa no mari huuwondiral hiɓɓungal e Yahuwah Alla. Sabu ko o yottini nele e yaamirooje Alla ɗen, e hoore sella-finndeyaagal, himo noddaa « Daaluyee on » (Yuuhanna 1:14).
2. Fii honɗun annabi Iisaa arani ka hoore leydi ?
Ko yahata duuɓi 2 000, hari annabi Iisaa ko malaa’ikaajo dolnuɗo ka kammu. Yahuwah Alla, e hoore bawgal makko, ƴetti ngurndan makko ɗan waɗi ɗan e nder reedu jiwo inneteeɗo Mariyama. Ko wano non annabi Iisaa jiɓiniraa wa aaden (janngee Luuka 1:34, 35). Yahuwah Alla nuluno annabi Iisaa ka hoore leydi fii wonugol Almasiihu maa Krist fodanooɗo on fii sottugol tagaaɗob. Kala ko Deftere Alla nden hiitinoo fii Almasiihu on laatino e makko. Ko ɗun walli yimɓe anndugol annabi Iisaa wa « Almasiihu on, on Ɓiɗɗo Alla Wuuruɗo on » (Matta 16:16).
3. Ko honto annabi Iisaa woni hannde ?
Ko annabi Iisaa timmini ngurndan makko ɗan ka hoore leydi, o immintinano wa malaa’ikaajo e o yiltii ka kammu. Ko ton « Alla towni mo ka ɓuri toowude » (Filipii 2:9). Hannde annabi Iisaa no mari bawgal tiiɗungal : ko Yahuwah Alla tun ɓuri mo bawgal.
LUGGINEE
Ɓeydee anndugol ko hommbo woni annabi Iisaa tigi tigi e ko fii honɗun anndugol mo no hitti moƴƴa.
4. Annabi Iisaa wonaa Alla Jom Bawgal on
Fii kala annabi Iisaa ko malaa’ikaajo dolnuɗo ka kammu, Deftere Alla nden janni himo ɗoftii Baaba makko Yahuwah Alla. Fii honɗun wi’anten ɗun ? Fijinee VIDIO on fii yi’ugol ko Deftere Alla nden janni no annabi Iisaa sertiri e Alla Jom Bawgal on.
VIDIO : Annabi Iisaa ko Alla ? (3:22)
Aayeeje jokkituɗe ɗen wallay en no faamiren huuwondiral hakkunde Yahuwah Alla e annabi Iisaa. Janngee aayeeje ɗen e yewton fii lanndaale jokkituɗe ɗen.
Janngee Luuka 1:30-32.
Ko honno malaa’ikaajo on haaliri fii huuwondiral hakkunde Yahuwah Alla « Jom Ɓural on » e annabi Iisaa ?
Janngee Matta 3:16, 17.
Ko annabi Iisaa lootete, ko honɗun hito iwrungo ka kammu wowli ?
E miijo mon, ko hito hommbo ?
Janngee Yuuhanna 14:28.
Hakkunde baaba e ɓiɗɗo, ko hommbo ɓuri mawnude e ko hommbo woni hooreejo on ?
Ko honɗun annabi Iisaa miijinoo ko o noddi Yahuwah Alla « Baaba » makko ?
Janngee Yuuhanna 12:49.
Annabi Iisaa miijino kanko e Ben makko hiɓe fota ? Ko honɗun miijiɗon ?
5. Annabi Iisaa holluno ko kanko woni Almasiihu on
Deftere Alla nden no mari hiitanɗe buy ko wallata yimɓe anndugol Almasiihu on, mo Alla suɓii on fii sottugol tagaaɗo. Fijinee VIDIO on fii yi’ugol hiitanɗe ɗe annabi Iisaa laatinnoo ɗen fewndo ko o wonunoo ka hoore leydi.
Janngee ɗee hiitanɗe e yewton fii lanndaale jokkituɗe ɗen.
Janngee Mikaa 5:2 fii no anndiron honto Almasiihu on haananoo jibineedec.
Jibinannde annabi Iisaa nden laatinno ndee hiitannde ? (Matta 2:1).
Janngee Zabuura 34:20 (34:21, VPFJ) e Zakariyaa’u 12:10 fii yi’ugol piijii goo hiitanooɗi fii mayde Almasiihu on.
Ɗee hiitanɗe laatino ? (Yuuhanna 19:33-37).
E miijo mon, annabi Iisaa waɗuno fii no ɗee hiitanɗe laatora ?
Ko honɗun ɗun holli on fii annabi Iisaa ?
6. Janngugol fii annabi Iisaa nafay en
Deftere Alla nden no holli ko laaɓi pos hino hitti anndugol annabi Iisaa e ko Alla faalaa yo o waɗu kon. Janngee Yuuhanna 14:6 e 17:3 e yewton fii ngal lanndal :
Fii honɗun no hittani en fota anndugol annabi Iisaa ?
Annabi Iisaa okkii en laawol fii no woniren yiɓɓe Alla. O jannii en goonga fii Yahuwah Alla, e ko rewrude e makko heɓeten ngurndan haa poomaa.
WOƁƁE GOO NO WI’A : « Seedeeɓe Yahuwah ɓen no hoolii annabi Iisaa ko ɓiɗɗo Alla. Gasataa ka Alla heɓa ɓiɗɗo ! »
Ko honɗun wi’oton ?
RAWNOODE
Annabi Iisaa ko malaa’ikaajo dolnuɗo. Ko o Ɓiɗɗo Alla e ko kanko woni Almasiihu on.
Ndartannde
Fii honɗun annabi Iisaa noddaa « afo e hoore kala ko tagaa » ?
Ado annabi Iisaa arude ka hoore leydi, ko honɗun o waɗaynoo ?
Ko honno anndirten annabi Iisaa ko Almasiihu on ?
TASKEE
Ɓeydee janngugol fii golle annabi Iisaa ɗen wa Almasiihu on.
« Hiitanɗe ɗen fii Almasiihu on no holli ko annabi Iisaa woni Almasiihu on ? » (Windannde ka jw.org)
Deftere Alla nden jannaali wonndema Alla no heɓa ɓiɗɗo wa aaden heɓirta ɓiɓɓe non.
« Fii honɗun annabi Iisaa no noddaa ɓiɗɗo Alla ? » (Winndannde ka jw.org)
Janngee fii honɗun Deftere Alla nden wi’aali Alla e annabi Iisaa no fota.
« Annabi Iisaa ko Alla ? » (Suudu Aynirdu ndun, 1 Awril 2009)
Ngurndan debbo goo waylino ɓawto ko o taskii ko Deftere Alla nden janni kon fii annabi Iisaa.
« Debbo yahuudiyankeejo goo haaluno ko fii honɗun o taskii gomɗinal makko ngal » (Finee !, mee 2013)
a Deftere Alla nden jannaali Alla no heɓa ɓiɗɗo wa aaden heɓirta ɓiɓɓe non.
b E nder toɓɓe 26 e 27 en annday fii honɗun tagaaɗo no hatonjini e sottegol e honno annabi Iisaa sottirta en.
c Ndaaree tinndinoore 2 fii hiitannde haalunde saa’i mo Almasiihu on haanunoo feeɲude ka hoore leydi.