TOƁƁERE 14

Ko honno dewal men ngal weltinirta Alla ?

Édition imprimée

Wano yiiruɗen non ka toɓɓere feƴƴunde, wonaa diinaaji ɗin fow Alla jaɓata. Kono hiɗen waawi rewude Taguɗo en on no o yiɗiri non. Ko sifa « dewal » honngal [maa diina, maandineere NWT] weltinta mo ? (Yaaquuba 1:27). Ndaaree ko Deftere Alla nden janni kon fii mun.

1. Ko honno rewirten Alla no haaniri non ?

Dewal men ngal no haani tuggaade e Deftere Alla nden. E nder ko annabi Iisaa torotonoo Alla, o wi’uno : « Ko daaluyee maa on woni goonga on » (Yuuhanna 17:17). Diinaaji goo wattitii goonga Daaluyee Alla on, Biibul on, e janndeeji maa naamuuji tagaaɗo. Kono Yahuwah Alla yiɗaa « bugit[iiɓe] yamirooje makko ɗen » (janngee Markuusa 7:9). Kono, si en janngii Deftere Alla nden e en huutorii nde, en weltinay ɓernde makko nden.

2. Ko honno haanuɗen rewirde Yahuwah Alla ?

Ɓay ko Yahuwah Alla woni Taguɗo en on, ko kanko tun hanndi e reweede (Feɲɲinannde 4:11). Ɗun no firi hiɗen haani yiɗude mo, rewa mo kanko tun, hara en huutoraali sanamuuji, mbodooji maa al’alaamaaji (janngee Isaaya 42:8).

Dewal men ngal no haani wonande Yahuwah Alla « dewal haanungal » (Roomu 12:1). Ɗun no holli hiɗen haani jokkude laawi makko laaɓaaɗi ɗin. E piide misal, ɓee yiɗuɓe Yahuwah Alla no yiɗi e no ɗoftii sariyaaji fii dewgal. Hiɓe wikkoo jikkuuji bonɗi wa fiimugol, ƴettugol doroogu maa yarugol beere haa manndilaa.

3. Fii honɗun haanuɗen mooɓondirde e almasiiyaaɓe goo fii rewugol Yahuwah Alla ?

Yontere kala, pottite ɗen okkay en feere ‘mantugol Yahuwah Alla ka moftal’ (Zabuura 111:1, 2). En waɗiray ɗun e hoore jaarangol Alla (janngee Zabuura 104:33, VPFJ). Yahuwah Alla no faalaa yo en tawe ka pottite ɓayri himo yiɗi en e himo anndi ɗun wallay en heɓugol ngurndan welɗan haa poomaa. Ka pottite, en wakkilinay woɓɓe goo e enen kadi en heɓay wakkilaare.

LUGGINEE

Taskee fii honɗun Yahuwah Alla yiɗaa yo en huutor sanamuuji fii rewugol mo. Ndaaree laawi ɗiɗi hittuɗi fii mantugol Alla.

4. En haanaa huutorde sanamuuji ka dewal men

Ko honno anndirten ɗun welataa Alla ? Fijinee VIDIO on e yewton fii lanndal jokkitungal ngal.

VIDIO : Alla no yiɗi yo en huutor sanamuuji ka dewal men ? (3:26)

Ko notaa : 1. Isra’iilayankeeɓe no juulude yeeso ga’un tafiraakun kaŋŋe ka ley fello Sinaayi 2. Gorko jogiiɗo jikiriwol no juulude yeeso nanndola Mariyama neene annabi Iisaa.

Ɓaawo ɗoo, ko honɗun jamaa Alla on heɓunoo ko ɓe huutornoo sanamuuji fii rewugol mo ?

Woɓɓe goo no miijii ɓe ɓurtay ɓadaade Alla si ɓe huutorii sanamuuji. Hara ɗun woɗɗintaa ɓe e makko ? Janngee Eggudu ndun 20:4-6 e Zabuura 106:35, 36 (VPFJ) e yewton fii ɗee lanndaale :

Ko piiji honɗi yimɓe huutorta fii rewugol Alla ?
Ko honɗun Yahuwah Alla miijii fii huutorgol sanamuuji ?
Onon-le, ko honɗun miijiɗon fii mun ?

5. Ko rewugol Yahuwah Alla tun hettinta en e janndeeji fenaande

Ndaaree honno rewirgol Yahuwah Alla no haaniri non hettinta en e janndeeji fenaande. Fijinee VIDIO on.

VIDIO : Goonga on wallii lan no mi hettora (5:16)

Janngee Zabuura 91:14 (VPFJ) e yewton fii ngal lanndal :

Ko honɗun Yahuwah Alla fodi waɗangol en si en hollii hiɗen yiɗi mo e hoore rewugol mo kanko tun ?

6. Men reway Alla ka pottite moftal

Men mantay Yahuwah Alla e mo kala wakkilina oya e hoore jaarugol e jonnugol jaabaaji ka pottite moftal. Janngee Zabuura 22:22 (22:23, VPFJ) e yewton fii ɗee lanndaale :

Hiɗon yiɗi jaabaaji ɗi nanuɗon ɗin ka pottite ?
Hiɗon faalaa hebilaade fii jonnugol jaabawol ?

Ko notaa : Debbo no janngude fii rewugol Alla no haaniri non. 1. Himo jaarande Alla ka pottital moftal. 2. Himo jaabaade ka pottital moftal. 3. Himo hollude debbo e jiwun mun vidio fii ko Deftere Alla nden janni kon.

7. Yahuwah Alla weltoto si en haalanii woɓɓe goo ko jannguɗen kon

No woodi sifaaji buy no haaliranten woɓɓe goo goongaaji Deftere Alla nden. Janngee Zabuura 9:1 e 34:1 (9:2 e 34:2, VPFJ) e yewton fii ngal lanndal :