TOƁƁERE 51

Ko honno konnguɗi men ɗin weltinirta Yahuwah Alla ?

Édition imprimée

Fewndo ko Yahuwah Alla tagi en, o okkuno en dokkal moƴƴal : ɗun ko waawugol wowlude. No huutorten ngal dokkal non no hittani Yahuwah Alla ? Pellet, no hittani mo ! (Janngee Yaaquuba 1:26). Ko honno huutorten ɗenngal men ngal fii weltingol Yahuwah Alla ?

1. Ko honno huutorten ngal dokkal no moƴƴiri ?

Deftere Alla nden wi’i : « wakkilindiree, tiiɗindiron, wano wonɗon warrude non fewndo ɗoo » (1 Tesalonii 5:11). Hiɗon anndi hatonjiniiɗo e wakkilineede ? Ko honɗun waɗoton fii wakkilingol mo ? On haalanay mo himo hittani on e anndintina mo ko welata on kon e makko. Hiɗon anndi aaya mo huutorton fii wakkilingol goɗɗo mo annduɗon ? No woodi aayeeje buy ɗe suɓotoɗon. Annditee kadi, no haalirton non battinay woɓɓe goo moƴƴa wa konnguɗi ɗi huutorton ɗin. Ko ɗun waɗi, wakkilee soono woo yewtugol ɓe doy e hoore newaare (Tindi 15:1, VPFJ).

2. Ko konnguɗi honɗi haanuɗen wikkaade ?

Deftere Alla nden wi’i : « Wota on accu kongol barminoowol woo yalta ka hunduko mon » (janngee Efeesi 4:29). Ɗun no firi en haanaa huutorde konnguɗi bonɗi maa barminayɗi. Hiɗen haani wikkaade kadi ɲo’ugol e tooɲugol goɗɗo (janngee Tindi 16:28, VPFJ).

3. Ko honno huutorten konnguɗi men ɗin fii wakkilingol woɓɓe ?

Wonnde, ko wowleten kon no holla ko miijiɗen maa ko woni ka nder ɓernde men (Luuka 6:45). Ko ɗun waɗi, hiɗen haani wakkilaade miijagol fii ‘piiji feewuɗi, laaɓuɗi e labaaɗi, maa hannduɗi e kuljeede maa manteede’ (Filipii 4:8). Fii waɗugol ɗii piiji, hiɗen haani suɓaade moƴƴa weldiɓɓe men ɓen e no feƴƴinirten saa’i men on non (Tindi 13:20, VPFJ). Wallay en kadi miijitagol moƴƴa fii konnguɗi ɗi haaleten ɗin e no haalirten non. Anndee no konnguɗi mon ɗin battinirta woɓɓe goo. Deftere Alla nden wi’i : « Konguɗi mo miijitotaako si wowla no barminira wa kaafa, kono konguɗi faamuɗo no ɲawnda » (Tindi 12:18, VPFJ).

LUGGINEE

Anndee no haalirton non weltinirta Yahuwah Alla e wakkilinirta woɓɓe goo.

4. Wattanee yila e no haalirton non

Wonnde, mo kala e men no wowla piiji ko ninsata (Yaaquuba 3:2). Janngee Galaasi 5:22, 23 e yewton fii ɗee lanndaale :

Ko honɗi e ɗii sifaaji torotoɗon Alla fii wallugol on wattangol yila e no haalirton non ? Ko honno ɗii sifaaji wallirta on ?

Janngee 1 Korenti 15:33 e yewton fii ngal lanndal :

Ko honno weldiɓɓe mon ɓen e no feƴƴinirton saa’i mon on non battinirta no haalirton non ?

Ko notaa : kuuɗe waɗayɗe haa moodibbo on yewta sonnaajo makko on e hoore tikkere. 1. Himo heɗaade gimol wondungol e hunƴeendi. 2.On gorko e weldiiɗo makko no ndaarude filmu box ka tele, hiɓe jiɲi. — Ko honɗun battinta no haalirton non ?

Ko notaa : kuuɗe waɗayɗe haa on moodibbo yewtira sonnaajo makko on newaare. 1. Himo janngude Deftere Alla nden. 2. On gorko e sonnaajo makko on no yewtidude e weldiiɗo maɓɓe ka Fottirde. — Ko honɗun battinta no haalirton non ?

Janngee Waajotooɗo on 3:1, 7 e yewton fii ngal lanndal :

Ko saa’i hommbo ɓuri moƴƴude fii deƴƴugol maa habbagol saa’i moƴƴo fii haalugol ?

5. Haalee ko moƴƴi fii woɓɓe goo

Ko honno waɗirten fii wota en yennu woɓɓe goo maa haalen konnguɗi bonɗi ? Fijinee VIDIO on e yewton fii lanndaale jokkituɗe ɗen.

VIDIO : « Wowlee konguɗi moƴƴinayɗi » (4:07)

E nder vidio on, fii honɗun oo musiɗɗo ka dewal no faalaa waylude no o haalirta non fii woɓɓe goo ?
Ko honɗun o waɗunoo fii waylugol ɗun ?

Janngee Waajotooɗo on 7:16 e yewton fii ngal lanndal :

Ko honɗun haanuɗen annditude si en faalaama haalude ko boni fii goɗɗo ?

Janngee Waajotooɗo on 7:21, 22 e yewton fii ngal lanndal :

Ko honno ɗee aayeeje wallirta on fii wota on mono si goɗɗo haalii ko boni fii mon ?

6. Yewtiree ɓeynguure mon nden newaare

Yahuwah Alla no faalaa yo en yewtir ɓeynguure men nden newaare e giggol. Fijinee VIDIO on e yewton fii lanndal jokkitungal ngal.

VIDIO : Giggol e teddungal no mooɓindira ɓeynguure (3:08)

Ko honɗun wallata on yewtirgol ɓeynguure mon nden newaare ?

Janngee Efeesi 4:31, 32 e yewton fii ngal lanndal :

Ko konnguɗi honɗi moƴƴani ɓeynguure mon nden ?

Yahuwah Alla holluno no o miijornoo non fii annabi Iisaa, Ɓiɗɗo makko on. Janngee Matta 17:5 e yewton fii ngal lanndal :

Ko honno ɲemmbirton Yahuwah Alla no yewtirton non ɓeynguure mon nden ?

Neeneejo no weltanaade jiwun makko kun fii ko kun deesini kon. — Ndaaree no waawirton wakkilinde woɓɓe goo.

WOƁƁE GOO NO WI’A : « Min, mi haalii ko mi miijii kon. Mi haajaaka ko woɓɓe goo miijii si ɓe yiɗaa ko mi haali kon. »

On jaɓay ɗun ? Fii honɗun ?

RAWNOODE

Konnguɗi no mari doole. Hiɗen haani miijaade moƴƴa ko haaleten, saa’i mo haaleten e no haalirten non.

Ndartannde

Ko honno haalirton fii wallugol woɓɓe goo ?
Ko konnguɗi honɗi faaleteɗon wikkaade ?
Ko honɗun wallata on soono woo haalugol konnguɗi newiiɗi e moƴƴinayɗi ?

Toɓɓere nden no timminaa :

Faandaare

E nder ndee yontere ɗoo, eto weltanagol goɗɗo ka ɓeynguure mon maa ka moftal.

Huunde goo :

Huunde goo

TASKEE

Ko honɗun wallata en haalugol ko wakkilinta woɓɓe goo ?

Etee heɓugol konnguɗi faamuɗo (8:04)

Anndee ko wallata on wikkagol konnguɗi bonɗi.

« Haray yennugol ko ko boni tigi tigi ? » (Winndannde ka jw.org)

Anndee no gerdirton fii wota on haalu ko boni fii woɓɓe goo.

Ko honno mi selirta ɲo’ugol goɗɗo ? (2:36)

Anndee no Yahuwah Alla barkirniri wakkilaare gorko goo fii accugol huɗagol.

« Mi fuɗɗino miijaade moƴƴa ko honno ngurndan an ɗan wa’irta » (Suudu Aynirdu ndun, 1 ut 2013)