TOƁƁERE 56
Tabintinee pottal ka moftal
Si hiɗen wondi e musiɓɓe men ka dewal, en miijorto wa Daawuuda lanɗo on : « Wondugol musiɓɓe no labaa, no foti ! » (Zabuura 133:1, VPFJ). Pottal men ngal wonirtaa nii tun. Mo kala no mari ko waɗata fii tabintingol ɗun.
1. Ko honɗun ŋalɗini e jamaa Alla on ?
Si hiɗon tawaa e pottital moftal e leydi goo, no gasa on nanataa haala kan, kono wa’ay wa si ka ka mon wonɗon. Fii honɗun ? Ko fii e nder aduna on fow men huutorto saakite goote fii janngugol Deftere Alla nden. E men wakkiloto hollindirgol giggol. Kala ka wonɗen, en fow en waaway « mantude innde Yahuwah nden, rewaa mo e dow pottal » (Safaniiya 3:9).
2. Ko honɗun waɗoton fii no pottal ngal yaarira yeeso ?
« Yiɗindiree giggol tiiɗungol ka ɓerɗe mon » (1 Petruusu 1:22). Ko honno huutorton nguu waaju ? Ɗoo yo on ndaarude ellaaji woɓɓe goo tun, anndee sifaaji maɓɓe moƴƴi ɗin. Wota on jokkondir tun e yimɓe yiɗuɓe ko yiɗuɗen kon, etee anndon musiɓɓe worɓe e rewɓe iwruɓe aduna on fow. Wakkiloɗen moƴƴa selugol ɓurnindirala (janngee 1 Petruusu 2:17).
3. Ko honɗun waɗoton si on waddii e musiɗɗo mon ka dewal ?
Hiɗen fotti, kono ko en junuubankeeɓe. Wonnde, hiɗen ɗayna maa waɗa woɓɓe goo ko metti. Ko ɗun waɗi Deftere Alla nden wi’i : « yaafondiron », nde ɓeydi kadi : « Wano Yahuwah yaaforani on non e hoore moƴƴere, onon kadi yaafondiree e hoore moƴƴere » (janngee Koloosi 3:13, NWT). En waɗii Yahuwah Alla ko metti nde laabi buy, kono o yaafike en. Ko ɗun waɗi, himo habborii en yaafagol musiɓɓe men ɓen. Si on anndii hiɗon waɗi goɗɗo ko boni, waɗee feere yahon moƴƴintinon hakkunde mon (janngee Matta 5:23, 24).b
LUGGINEE
Ɗaɓɓee pehe fii no pottal e ɓuttu ka moftal yaara yeeso.
Ko honɗun waɗoton fii tabintingol ɓuttu ?
4. Foolee ɓurnindiral
Hiɗen faalaa yiɗude musiɓɓe men ɓen fow ka dewal. Kono haray welaa fii jaɓangol goɗɗo mo sertuɗen e mun. Ko honɗun wallata en ? Janngee Kuuɗe sahaabaaɓe ɓen 10:34, 35 e yewton fii ɗee lanndaale :
Yahuwah Alla no jaɓana kala neɗɗo faalaaɗo mo rewude. Ko honno ɗun battinirta no yiiroton yimɓe sertuɓe e mon ɓen ?
Ko sifa honɗun e ɓurnindiral yi’oton ka wonɗon ɗon faaleteɗon wikkaade ?
Janngee 2 Korenti 6:11-13 e yewton fii ngal lanndal :
E miijo mon, ko honno ɓadortoɗon musiɓɓe mon ɓen ka dewal ɓe sertuɗon e mun ɓen ?
5. Yaaforee ɓernde laaɓunde e moƴƴintinon hakkunde mon
Yahuwah Alla no yaafoo en fii kala o hatonjinaaki e men muk fii yaafagol mo. Janngee Zabuura 86:5 e yewton fii ɗee lanndaale :
Ko honɗun oo aaya jannata en fii no Yahuwah Alla yaaforta non ?
Fii honɗun hiɗon weltii ko o yaafotoo on kon ?
Ko piiji honɗi waɗata haa ronken fottude e woɓɓe goo ?
Ko honno ɲemmbirten Yahuwah Alla e lutten wondugol e musiɓɓe men ɓen ka dewal e dow pottal ? Janngee Tindi 19:11 (VPFJ) e yewton fii ngal lanndal :
Si goɗɗo waɗii ko welaali on maa ko metti on, ko honɗun haanuɗon waɗude fii moƴƴintingol hakkunde mon ?
Wonnde hiɗen waɗa woɓɓe ko metti. Si ɗun waɗii, ko honɗun haanuɗen waɗude ? Fijinee VIDIO on e yewton fii lanndal jokkitungal ngal.
Ko honɗun musiɗɗo men debbo on waɗi fii moƴƴintingol hakkunde maɓɓe ?
6. Ɗaɓɓee ko moƴƴi e musiɓɓe mon ɓen ka dewal
Si en ɓeydii anndugol musiɓɓe men ɓen ka dewal, en annday sifaaji maɓɓe moƴƴi ɗin e lo’ereeji maɓɓe ɗin. Ko honɗun waɗeten fii no yiiren sifaaji maɓɓe moƴƴi ɗin ? Fijinee VIDIO on e yewton fii lanndal jokkitungal ngal.
Ko honɗun wallata on yi’ugol sifaaji moƴƴi e musiɓɓe mon ɓen ka dewal ?
Ko sifaaji men moƴƴi ɗin Yahuwah Alla ndaarata. Janngee 2 Fillande taariika 16:9a e yewton fii ngal lanndal :
Ko honno wa’irton anndugol Yahuwah Alla ko sifaaji mon moƴƴi ɗin o ndaarata ?
Hay jaamanre fotunde no wondi e ella, kono fahin ko satta-cogguure. Ko wano non kadi, musiɓɓe men ɓen fow wonaa timmuɓe, kono hiɓe labaa yeeso Yahuwah Alla.
WOƁƁE GOO NO WI’A : « Ado mi yaafaade goɗɗo, himo haani hollude himo ninsi ɗun. »
Fii honɗun faaleteɗen yaafagol woɓɓe goo ?
RAWNOODE
On waaway wallude fii no pottal tabitira ka moftal e hoore yaafagol e hollugol giggol musiɓɓe men ɓen fow ka dewal.
Ndartannde
Ko honno foolirton ɓurnindiral ?
Ko honɗun waɗoton si on waddii e musiɗɗo mon ka dewal ?
Fii honɗun faaleteɗon ɲemmbugol Yahuwah Alla yaafagol woɓɓe goo ?
TASKEE
Annden fii misal annabi Iisaa wallayngal en fii wota en ɲaawu woɓɓe goo.
Hino haani ka toroɗen yaafuyee hay si en hiɗen miijii en waɗaali ko boni ?
« Toragol yaafuyee tabintinay pottal » (Suudu Aynirdu ndun, 1 noofaambur, 2002)
Ndaaree no woɓɓe ekkitorii jogorgol yimɓe hara bammbangol alaa.
Ndaaree pehe no moƴƴinirton hakkunde mon e goɗɗo goo fii wota ɗun sonnju ɓuttu ngun ka moftal.
« Moƴƴinee hakkunde mon e hoore giggol » (Suudu Aynirdu ndun, mee 2016)
a Tinndinoore 6 no sifii no giggol wallirta almasiiyaaɓe ɓen fii wota ɓe raaɓin woɓɓe goo ɲawu.
b Tinndinoore 7 no sifii no jittirten fii ngeyngu e fii ka sariya.