Sɔɔmɔ Kpeei Kɛha May
Otsi ni Jeɔ Shishi May 4
Lala 186
10 min: Asafoŋ adafitswai kɛ Adafitswai ni jɛ Wɔ Maŋtsɛyeli Sɔɔmɔ lɛ mli. Agbɛnɛ akɛ “Gbɛjegbɛ nɔ Odaseyeli kɛ Woji Tɛtrɛbii yɛ Gbɛ ni Mɔɔ Shi Nɔ’ afata he akɛ sanebimɔ kɛ hetoo. Afee ekɛhamɔ he nɔkwɛmɔ nɔ ni sa taakɛ atsɔɔ yɛ sane lɛ mli lɛ.
15 min: “Okɛ Buu-Mɔɔ lɛ Ajaje Sanekpakpa Iɛ.” Akɛ sanebimɔ kɛ hetoo baatsu he nii. Awo nyɛmimɛi ahewalɛ ni amɛsusu woji tɛtrɛbii ashɛɛ he tafaa lɛ he waa ni amɛkɛ eshɛɛ lɛ aha kɛ hegbɛ lɛ ba pɛ.
15 min: “Kaashashao Shi yɛ Miishɛɛ ni Ajieɔ lɛ Kpo lɛ Sɛɛdii Mli.” Akɛ sanebimɔ kɛ hetoo baatsu he nii.
Lala 208 kɛ naagbee sɔlemɔ.
Otsi ni Jeɔ Shishi May 11
Lala 209
10 min: Asafoŋ adafitswai Sanebimɔ He.
15 min: “Klɛŋklɛŋ Saramɔ yɛ Gbɛ ni Mɔɔ Shi Nɔ.” Akɛ sanebimɔ kɛ hetoo atsu he nii. Kɛ asusu kuku 6 he agbe naa lɛ, afee bɔ ni shiɛlɔ ko baanyɛ ni ekɛ dɛhiɛmɔ wolo Shihilɛ yɛ Jeŋ Hee Ko Mli lɛ aha ni ekɛje shia Biblia kasemɔ shishi lɛ he nɔkwɛmɔ nɔ.
20 min: Buu-Mɔɔ lɛ kɛhamɔ yɛ shia kɛ shia. Shiɛlɔ ko ni he esa kɛ shiatsɛ lɛ miigba sane, ekɛ ŋaawoo ni akɛha yɛ “Klɛŋklɛŋ Saramɔ yɛ Gbɛ ni Mɔɔ Shi Nɔ” lɛ kuku 4 mli atsu nii. Agbala jwɛŋmɔ kɛya saji otii ni he hiaa yɛ sɔlemɔ he yɛ April 15, 1992 Buu-Mɔɔ lɛ mli lɛ nɔ. Kɛ March nɔ lɛ aloo nɔ ni etsɛ fioo yɛ lɛ, abaanyɛ akɛ enɛɛmɛi hu atsu nii. Afee nɔkwɛmɔ nɔ kuku kɛ March 15, 1992 Buu-Mɔɔ lɛ mli sane, “Mɛni Nyɔŋmɔ Maŋtsɛyeli lɛ Tsɔɔ Kɛha Bo?” afata he. Mɛi pii kɛ Yesu wiemɔ ni yɔɔ Luka 17:21 lɛ muɔ sane naa akɛ Nyɔŋmɔ Maŋtsɛyeli lɛ yɛ gbɔmɔ mli. Tsɔɔmɔ mli akɛ kɛ enɛ ja aloo ejaaa hu lɛ, atsɔɔ mli yɛ Buu-Mɔɔ lɛ mli. Okɛ baafa 5, yɛ yitso bibioo “Nyɔŋmɔ Maŋtsɛyeli lɛ Yɛ Wɔmli?” lɛ atsɔɔ shiatsɛ lɛ.
Lala 87 kɛ naagbee sɔlemɔ.
Otsi ni Jeɔ Shishi May 18
Lala 195
10 min: Asafoŋ adafitswai kɛ shika akɔntaabuu. Ajie nyɛmimɛi ayi yɛ shika ni amɛkɛke Asafo lɛ hewɔ.
15 min: Asusu sane ni kɔɔ “Anti-christ” (Antikristo) ni yɔɔ Reasoning wolo lɛ mli yɛ baafai 32-3 lɛ he. Mɛni ji “antikristo” mlitsɔɔmɔ? Ani ekome pɛ yɔɔ, aloo pii yɛ? Mɛɛ be antikristo lɛ pue, ni namɛi abaanyɛ ayoo amɛ akɛ amɛ amɛni? Afee nɔkwɛmɔ nɔ kuku ni kɔɔ shiɛlɔ ni miiwie kɛmiitsɔɔ sɔlemɔyalɔ ko ni abɔ lɛ kɔkɔ yɛ Yehowa Odasefoi ahe lɛ he.
20 min: “Ani Obaanyɛ Oye Obua yɛ He ni Hiamɔ lɛ Da Yɛ?” Kɛ ashɛ kuku 5 lɛ, afee nɔkwɛmɔ nɔ ni kɔɔ obalaŋtai etɛ ko ni miisusu amɛ gbɛjianɔtoo koni amɛkɛ amɛhe awo shikpɔŋkuku ni akɛhako mɔ ko lɛ mli nitsumɔ mli lɛ he. Mɛni kanyaa amɛ? Mɛni ji kaai ni amɛtsɔ hiɛ amɛna ni mɛɛ gbɛ nɔ amɛ amɛaatsɔ ni amɛdamɔ naa? Mɛɛ hesaamɔ amɛfeɔ koni amɛye omanye yɛ tafaa lɛ mli?
Lala 197 kɛ naagbee sɔlemɔ.
Otsi ni Jeɔ Shishi May 25
Lala 169
10 min: Asafoŋ adafitswai. Teokrase lɛ He saji. Agba kaimɔ lɛ mli saji ni yɔɔ miishɛɛ. Mɛi enyiɛ ba? Mɛni tsɔɔ akɛ abaanyɛ akɛ mɛi heei lɛ aje Biblia mli nikasemɔi ashishi? Sɔɔmɔ nɔkwɛlɔ lɛ baato sɛɛsaramɔi ahe gbɛjianɔ yɛ mɛi ni ba Kaimɔ lɛ shishi ni akɛ amɛ ekaseee nii lɛ anɔ.
10 min: “Okɛ Reasoning Wolo lɛ Atsu Nii yɛ Sɛɛsaramɔ Mli.” Akɛ sanebimɔ kɛ hetoo baatsu he nii. Asaa he jogbaŋŋ ni akɛfee kukuji 3 kɛ 4 he nɔkwɛmɔ nɔ.
15 min: Abi niiashikpamɔi kɛjɛ mɛi ni fee gbɛgbalɔi awalɔi yɛ March, April kɛ May mli lɛ adɛŋ. Mɛni nibii amɛkɛsha afɔle, ni mɛɛ Yehowa jɔɔmɔi amɛnuɔ he akɛ eba amɛ mɔdɛŋbɔi anɔ. Ani amɛje Biblia mli nikasemɔi heei ashishi yɛ amɛ nitsumɔ ni tee hiɛ yɛ nyɔŋ lɛ mli lɛ hewɔ? Esa akɛ atsɔ hiɛ ato niiashikpamɔi lɛ ahe gbɛjianɔ. Awo hewalɛ ni mɔ fɛɛ mɔ asusu gbɛgbalɔi awamɔ sɔɔmɔ lɛ he yɛ nyɔji ni jwere wɔhiɛ lɛ amli.
Lala 93 kɛ naagbee sɔlemɔ.