Sɔɔmɔ Kpeei Kɛha January
Otsi ni Jeɔ Shishi January 2
7 min: Asafoŋ adafitswai kɛ Adafitswai ni sa ni jɛ Wɔ Maŋtsɛyeli Sɔɔmɔ lɛ mli.
18 min: “Ayɛ Babaoo Feemɔ Daa Nɛɛ.” Sanebimɔi kɛ hetoi. Too sanebimɔi kɛ hetoi kukuji enyɔ loo etɛ he gbɛjianɔ ni obi mɛi ni bɛ deka tamɔ onukpa, shiakwɛlɔ, loo gbɛgbalɔ sane; bi ni amɛtsɔɔ bɔ ni amɛnyɛɔ amɛfeɔ ni amɛnaa miishɛɛ daa lɛ yɛ deka ni amɛbɛ lɛ fɛɛ sɛɛ.
20 min: “Wɔ Woji Memeji lɛ ni Wɔkɛaatsu Nii Jogbaŋŋ.” Okɛ toibolɔi agba he sane. Ha asafo lɛ ale woji memeji ni yɔɔ; wo amɛ hewalɛ ni amɛna eko kɛha shiɛmɔyaa. Feemɔ shiɛmɔ wiemɔi ni atsɔɔ lɛ he nɔkwɛmɔ nɔ kome loo enyɔ ni yɔɔ kuku.
Lala 188 kɛ naagbee sɔlemɔ.
Otsi ni Jeɔ Shishi January 9
Lala 183
10 min: Asafoŋ adafitswai kɛ Shika he amaniɛbɔɔ. Tswaa gbɛjianɔ ni ato kɛha shiɛmɔyaa yɛ otsi lɛ naagbee lɛ he adafi.
17 min: “Saramɔ kɛ Kwɛmɔ ni Tswaa Mɔ Maa Shi.” Wiemɔ ni onukpa kɛbaaha ni damɔ saneyitso bibioo ni yɔɔ September 15, 1993 Buu-Mɔɔ ni je kpo lɛ baafai 21-3 lɛ mli lɛ nɔ. Maa Ŋmalɛ mli ŋaawoo ni yeɔ ebuaa ni akɛaadamɔ naagbai anaa lɛ nɔ mi.
18 min: “Ani Ofee Klalo akɛ Obaadamɔ Tsofa-Feemɔ mli Shihilɛ ko ni Kaa Mɔ Hemɔkɛyeli lɛ Naa?”—Fa 1. Wiemɔ ni hiɛdɔɔ yɔɔ mli ni damɔ nɔ ni aŋma ahɔ mli lɛ kukuji 1-17 lɛ nɔ, ni onukpa ni he esa kɛbaaha. Kwɛmɔ January 1994 Wɔ Maŋtsɛyeli Sɔɔmɔ lɛ baafa 2 lɛ ni yɔɔ “Otsi ni Jeɔ Shishi January 10” shishi lɛ koni okɛtao saji ni atsɔɔ mli fitsofitso ni tsɔɔ bɔ ni abaafee aŋmala woji lɛ anɔ nii ni akɛ waonaa gbɛi awo shishi lɛ. Maa nɔ mi otsɔɔ bɔ ni ehe hiaa akɛ ahiɛ woji ni yɔɔ ebe naa pɛpɛɛpɛ be fɛɛ be lɛ; kɛ bɔ ni sɛɛnamɔ yɔɔ he akɛ sanegbaa kpakpa aya nɔ yɛ wɔ kɛ tsofafeemɔ he nitsulɔi ateŋ lɛ hu. Lala 198 kɛ naagbee sɔlemɔ.
Otsi ni Jeɔ Shishi January 16
Lala 182
10 min: Asafoŋ adafitswai. Gbaa otii komɛi ni yɔɔ woji tɛtrɛbii heei lɛ amli lɛ he sane. Wo mɛi fɛɛ hewalɛ koni amɛya shiɛmɔ otsi nɛɛ naagbee.
18 min: “Ani Ofee Klalo akɛ Obaadamɔ Tsofa-Feemɔ mli Shihilɛ ko ni Kaa Mɔ Hemɔkɛyeli lɛ Naa?”—Fa 2. Okɛ toibolɔi agba nɔ ni aŋma ahɔ mli lɛ kukuji 18-38 lɛ mli sane. Ye obua toibolɔi ni amɛnu Hospital Liaison Committee sɔrɔtoi lɛ ayiŋtoo kɛ amɛ nitsumɔi lɛ ashishi jogbaŋŋ. Maa bɔ ni ehe hiaa ni akɛ sanesɛɛkɔmɔ atsu nii koni akɛha saji ni helatsamɔ he nitsulɔi biɔ koni amɛkɛtsɔ mɔ tsɔne lɛ hetoo lɛ nɔ mi. Feemɔ nɔkwɛmɔ nii kukuji enyɔ: eko ni akɛ hetoo ni ejaaa miiha kɛ ekroko hu ni akɛ hetoo ni ja miiha ni jɛ kukuji 30-37 lɛ mli.
17 min: “Ha Ana akɛ Osusuɔ Mɛi Ahe kɛtsɔ Sɛɛsaramɔi Anɔ.” Shiɛlɔi etɛ loo ejwɛ agba yiŋtoo ni yɔɔ sɛɛsaramɔi ni afeɔ lɛ sɛɛ kɛ bɔ ni ehe hiaa ha lɛ he sane. Maa oti ni ma hiɛ akɛ aje nikasemɔi ashishi lɛ nɔ mi. Tii shiɛmɔ wiemɔi ni atsɔɔ lɛ mli. Ha afee nɔkwɛmɔ nɔ kome loo enyɔ, ni shiɛlɔi komɛi miitsɔɔ bɔ ni abɔ mɔdɛŋ aha ni akɛ ŋaawoi miiha kɛha hiɛyaa.
Lala 196 kɛ naagbee sɔlemɔ.
Otsi ni Jeɔ Shishi January 23
Lala 161
12 min: Asafoŋ adafitswai. “Bɔ ni Atoɔ Teokrase Woji Atoohe He Gbɛjianɔ Ahaa.” Wiemɔ ni damɔ November 1, 1994, Buu-Mɔɔ lɛ baafai 28-31 lɛ nɔ.
18 min: “Susumɔ Mɛi Krokomɛi Ahe—Fa 1.” Sanebimɔi kɛ hetoi. Okɛ bɔ ni ehe hiaa ni onukpai kɛ ekomefeemɔ atsu nii kutuu koni amɛkwɛ kɛji asaa nibii fɛɛ ni efite yɛ Maŋtsɛyeli Asa lɛ he jogbaŋŋ lɛ he kaimɔ afata he, tamɔ nɔ ni akɛwo tsu lɛ yiteŋ, paipi, sarawa hewalɛ he nii, kɛ nibii ni yɔɔ kɛha shweshweeshwe feemɔ he nibii ni efite lɛ nɛkɛ.—Kwɛmɔ Sanebimɔ He ni yɔɔ June 1985 Wɔ Maŋtsɛyeli Sɔɔmɔ lɛ mli lɛ, kɛ November 1986 Wɔ Maŋtsɛyeli Sɔɔmɔ lɛ baafa 7 lɛ.
15 min: “Teemɔŋ Nikasemɔ—Sane ni Esa akɛ Asusu He.” Sanebimɔi kɛ hetoi. Okɛ saji ni ahala ni damɔ June 15, 1985 Buu-Mɔɔ lɛ baafai 8-13 nɔ lɛ afata he.
Lala 116 kɛ naagbee sɔlemɔ.
Otsi ni Jeɔ Shishi January 30
Lala 157
7 min: Asafoŋ adafitswai.
20 min: “Gbekɛbii—Ani Nyɛhiɛ Sɔɔ Mɔdɛŋ Fɛɛ ni Nyɛfɔlɔi Bɔɔ Lɛ?” Sanebimɔ-kɛ-hetoo ni damɔ nikasemɔ lɛ nɔ. Bi gbekɛbii enyɔ ni ji shiɛlɔi kpakpai lɛ sane. Mɛɛ mɔdɛŋ amɛbɔ ni amɛhe basa akɛ shiɛlɔi lɛ? Mɛɛ yelikɛbuamɔ amɛnine shɛ nɔ kɛjɛ amɛ fɔlɔi adɛŋ?
18 min: Akɛ Obaanyɛ Ohi Shi wolo lɛ aha yɛ February. Tsɔɔmɔ nɔ hewɔ ni wolo nɛɛ he hiaa gbɔmɛi. (Kwɛmɔ April 1, 1988, Buu-Mɔɔ lɛ baafai 25-6 lɛ kukuji 17, 18.) Gbaa nɔ ni wolo lɛ kanelɔi ni hiɛ sɔɔ nii lɛ ewie lɛ he sane kuku. (Kwɛmɔ September 1, 1989, Buu-Mɔɔ lɛ baafa 32, kɛ December 1, 1991, Buu-Mɔɔ lɛ baafa 32.) Wo ŋaa yɛ bɔ ni wɔbaafee ni wɔkɛ mɛi ni yɔɔ he miishɛɛ ni amɛhe Obaanyɛ Ohi Shi wolo lɛ aje Biblia mli nikasemɔi ashishi. Feemɔ nɔkwɛmɔ nɔ ni ji enyɔ lɛ kuku beni okɛ saneyitso, “Life/Happiness” ni yɔɔ Reasoning wolo lɛ baafa 13 tsuɔ he nii lɛ.
Lala 199 kɛ naagbee sɔlemɔ.