Sɔɔmɔ Kpeei Kɛha June
Otsi ni Jeɔ Shishi June 5
13 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Nyɛtĩa “Kpee Krɛdɛɛ Gbi he Gbɛjianɔtoo Hee” lɛ mli. Kɛ abana ale lɛ, tswaa gbi ni abaafee kpee krɛdɛɛ ni baa lɛ he adafi otsɔɔ, ni owo mɔ fɛɛ mɔ hewalɛ ni ato gbɛjianɔ ni aya.
15 min: “Yehowa Kɛ Hewalɛ Haa.” Sanebimɔi kɛ hetooi. Gbaa niiashikpamɔ ni yɔɔ February 1, 1992 Buu-Mɔɔ lɛ baafa 32 lɛ he sane otsɔɔ.
17 min: “Yehowa Ji Wɔ Bɔlɔ.” Okɛ toibolɔi agba he sane. Ha afee nɔkwɛmɔ nɔ ni tsɔɔ bɔ ni akɛ shiɛmɔ wiemɔi ni atsɔɔ lɛ baatsu nii aha lɛ he nɔkwɛmɔ nɔ kome loo enyɔ. Okɛ ŋaawoi kukuji ni tsɔɔ gbɛ ni abaatsɔ nɔ afee sɛɛsaramɔ ni nyiɛɔ Maŋtsɛyeli Sane lɛ jaa sɛɛ yɛ April kɛ May lɛ he sane aha.
Lala 17 kɛ naagbee sɔlemɔ.
Otsi ni Jeɔ Shishi June 12
Lala 221
10 min: Asafoŋ adafitswai. Shika he amaniɛbɔɔ.
17 min: “Kristo Ji Nɔkwɛmɔ Nɔ Kɛha Obalahii kɛ Obalayei Bibii.” Sanebimɔ kɛ hetooi. Okɛ saji ni jɛ September 1, 1986 Blɔfo Buu-Mɔɔ lɛ baafai 4-6 lɛ afata he.
18 min: “Ye Obua Mɛi ni Bɛ Hemɔkɛyeli Lɛ.” Asafo Woloŋ Nikasemɔ nɔkwɛlɔ lɛ kɛ shiɛlɔi enyɔ loo etɛ susu nikasemɔ lɛ he ni amɛgba bɔ ni akɛ nikasemɔ lɛ baatsu nii aha. Amɛfee amɛtsɔɔ amɛteŋ mɔ fɛɛ mɔ ni amɛkɛtĩ mli amɛkwɛ.
Lala 122 kɛ naagbee sɔlemɔ.
Otsi ni Jeɔ Shishi June 19
5 min: Asafoŋ adafitswai.
23 min: “1995 ‘Miishɛɛ Yijielɔi’ Yehowa Odasefoi a-Kpokpaa Wulu nɔ Kpee.” Sanebimɔ kɛ hetoo ni woloŋmalɔ lɛ baatsu he nii. Kanemɔ kukuji ni he hiaa lɛ pɛ kɛ ŋmalɛi. Tswaa nyɛmimɛi lɛ amiishɛɛ oma shi kɛha Tamale kpee lɛ. Asafoi ni helatsɛmɛi yɔɔ mli lɛ baanyɛ ati fa ni ji, Hiamɔ Krɛdɛɛ ni yɔɔ kukuji 5-8 lɛ mli.
17 min: “Okɛ Obe Atsu Nii Jogbaŋŋ.” Sanebimɔi kɛ hetooi. Nyɛtĩa ŋaawoi ni yɔɔ saneyitso bibioo ni ji “Taking Control” lɛ ni yɔɔ May 22, 1991 Awake! lɛ baafa 11 lɛ mli, koni ekɔ be ni ayeɔ akɛkwɛɔ TV lɛ he.
Lala 208 kɛ naagbee sɔlemɔ.
Otsi ni Jeɔ Shishi June 26
15 min: Asafoŋ adafitswai. Gbaa bɔ ni ehe hiaa ni afee sɛɛsaramɔi lɛ he sane kuku. Wɔtsuɔ wɔnitsumɔ lɛ mli fa titri yɛ be mli ni wɔku wɔsɛɛ kɛtee ni wɔyatee miishɛɛ shi lɛ. Mɛi fioo pɛ baanyɛ amɛkɛ wolo lɛ pɛ atsu nii kɛha hiɛyaa yɛ mumɔŋ. Kɛ wɔkuuu wɔsɛɛ wɔyaaa lɛ, wɔfiteɔ hegbɛ ni fe fɛɛ ni wɔkɛaaye wɔbua amɛ lɛ. Sɛɛsaramɔi haa afeɔ Biblia mli nikasemɔi. Yibiiwoi ni fe fɛɛ lɛ ejɛ mli eba kɛha shiɛlɔi babaoo, kɛtsɔ amɛsɛɛ ni amɛkuɔ kɛyaa yɛ gbi kome loo gbii enyɔ mli fe nɔ ni amɛaamɛ yɛ otsi kome sɛɛ lɛ nɔ.—Kwɛmɔ Our Ministry wolo lɛ baafai 88-9.
15 min: Sanebimɔ He. Sanebimɔi kɛ hetooi ni Buu-Mɔɔ Nikasemɔ nɔkwɛlɔ lɛ baatsu he nii. Okɛ saji krokomɛi ni damɔ School Guidebook lɛ baafai 91-2 lɛ nɔ lɛ aha.
15 min: Nyɛtĩa wolo ni akɛbaaha yɛ July lɛ mli. Gbaa woji bibii ni asafo lɛ yɔɔ lɛ mli fãi komɛi ni gbalaa mɔ jwɛŋmɔ lɛ he sane otsɔɔ. Ha shiɛlɔi afee gbɛ ni amɛaatsɔ nɔ amɛkɛha yɛ shinaa naa lɛ he nɔkwɛmɔ nɔ kuku. Ekomɛi ji: Ani Nyɔŋmɔ Susuɔ Wɔhe Lɛlɛŋ? (Gbelemɔ baafai 26-7, ni otsɔɔ mfonirii lɛ, ni ogba ŋmalɛi ni kɔɔ Paradeiso ni baa lɛ he lɛ ekome he sane.) Mɛni Ji Yiŋtoo ni Yɔɔ Shihilɛ Sɛɛ?—Te Ooofee Tɛŋŋ Ole Hu? (Gbelemɔ baafai 30-1, susumɔ ŋmalɛi ni aŋma emli wiemɔi lɛ ekome he, ni ogba mfoniri lɛ he sane otsɔɔ.) Beni Mɔ Ko ni Osumɔɔ Lɛ Egbo. (Gbalamɔ jwɛŋmɔ kɛya sanebimɔi ni atee lɛ shi yɛ baafa 2 lɛ, koni owie Ŋmalɛ mli saji ni shɛjeɔ mɔ mii ni anaa yɛ baafa 31 lɛ ekome loo enyɔ he.) Ha asafo lɛ ale woji bibii ni nyɛyɔɔ bianɛ lɛ.
Lala 225 kɛ naagbee sɔlemɔ.