Sɔɔmɔ Kpeei Kɛha June
Otsi ni Jeɔ Shishi June 2
Lala 181
8 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ February shiɛmɔyaa he akɔntaabuu kɛha maŋ lɛ kɛ nyɛ asafo lɛ he. Tsĩi shiɛlɔi ayifalɛ hee ni fe fɛɛ ni ana lɛ tã, ni owo mɔ fɛɛ mɔ hewalɛ ni amɛhiɛ ekãa ni amɛkɛtsuɔ nii lɛ mli, ni amɛkɛ shiɛmɔyaa he akɔntaabuu kɛha nyɔŋ fɛɛ nyɔŋ nɔ lɛ aha mra.
15 min: “Nyɛbɔa Mɔdɛŋ Fɛɛ ni Nyɛaanyɛ.” Sanebimɔi kɛ hetooi.—Kwɛmɔ April 15, 1993 Buu-Mɔɔ, baafai 28-30 lɛ hu mli.
22 min: “Nilee ni Jɛ Nyɔŋmɔ Ŋɔɔ Haa Sanebimɔi Pii Ahetoo.” Sɛinɔtalɔ kɛ shiɛlɔi enyɔ loo etɛ, ni gbekɛ ko fata he lɛ asusu saneyitso lɛ he. Gbaa kuku 1 lɛ mli sane, ni oma nɔ hewɔ ni Nilee wolo lɛ yeɔ ebuaa wɔ jogbaŋŋ koni wɔha sanebimɔi ahetoo lɛ nɔ mi. Nyɛfea bɔ ni afeɔ lɛ ahaa lɛ he nɔkwɛmɔ nɔ, ni akɛ ŋaawoo kɛha hiɛyaa aha be mli ni afee nɔkwɛmɔ nɔ lɛ eko fɛɛ eko agbe naa.
Lala 200 kɛ naagbee sɔlemɔ.
Otsi ni Jeɔ Shishi June 9
7 min: Asafoŋ adafitswai. Shika he akɔntaabuu.
23 min: “1997 ‘Nyɔŋmɔ Wiemɔ Mli Hemɔkɛyeli’ Yehowa Odasefoi a-Kpokpaa Wulu nɔ Kpee.” Sanebimɔ kɛ hetoo ni woloŋmalɔ lɛ baatsu he nii. Wo mɔ fɛɛ mɔ hewalɛ ni amɛjie ekomefeemɔ kpo amɛtsɔɔ kɛtsɔ toiboo ni amɛaafee amɛha gbɛtsɔɔmɔi ni akɛha lɛ nɔ. Kɛ nyɛmiisusu kuku 17 he lɛ, maa bɔ ni ehe hiaa ni akɛ niyenii ni mli etsiii aaajɛ shia kɛba koni aye shwane lɛ nɔ mi. Wo mɛi fɛɛ ni baanyɛ lɛ hewalɛ ni amɛfi Bolgatanga kpee lɛ sɛɛ.
15 min: Mɛi Krokomɛi ni Aaatsɔɔ Amɛ Nii—Sane ko ni He Hiaa Waa. Wiemɔ ni onukpa ko kɛbaaha. Tĩi 1996 jeŋ muu fɛɛ sɔɔmɔ he akɔntaabuu ni yɔɔ 1997 Yearbook baafa 33 lɛ mli. Mɔdɛŋ ni abɔɔ waa koni aye gbɔmɛi odase yɛ he fɛɛ he ni abaana amɛ yɛ lɛ miiwo yibii. Nɔ ni he hiaa bianɛ ji ni aya mɛi ni akɛ woji eha amɛ lɛ aŋɔɔ, ni atsɔɔ gbɔmɛi lɛ anɔkwale lɛ. Kɛ wɔna amɛ yɛ maŋ lɛ, wɔkɛ nilee abi amɛgbɛi, kɛ adrɛs bɔni afee ni wɔnyɛ wɔku sɛɛ wɔyasara amɛ. Ehe hiaa ni wɔfee babaoo fe ni wɔɔdu Maŋtsɛyeli wui lɛ kɛkɛ; esa akɛ wɔshwie nɔ nu hu. (1 Kor. 3:6-8) Kɛ adu wu yɛ sũ kpakpa mli lɛ, nitsɔɔmɔ kpakpa baanyɛ aye abua mɔ lɛ ni enu jwɛŋmɔ ni yɔɔ mli lɛ shishi. (Mat. 13:23) Esa akɛ wɔna nitsɔɔmɔ nitsumɔ lɛ mli gbɛfaŋnɔ kɛ ŋaalee kɛmɔ shi bɔ ni wɔɔnyɛ. (Heb. 5:12a) Okɛ saji otii ni yɔɔ nɔ ni hɔ July 1996 Wɔ Maŋtsɛyeli Sɔɔmɔ lɛ mli lɛ kukuji 25-6 lɛ atsu nii. Maa mɔdɛŋ ni aaabɔ koni aje nikasemɔ shishi yɛ Taoɔ wolo bibioo loo Nilee wolo lɛ mli lɛ nɔ mi.
Lala 204 kɛ naagbee sɔlemɔ.
Otsi ni Jeɔ Shishi June 16
Lala 192
10 min: Asafoŋ adafitswai. Tsɔɔmɔ saji otii ni yɔɔ woji tɛtrɛbii heei lɛ amli.
15 min: Asafoŋ hiamɔ nii.
20 min: Ni Oooyɔse Ojamɔ lɛ akɛ Anɔkwale loo Amale. Onukpa ko kɛ shiɛlɔi enyɔ loo etɛ ni he esa agba sane ni damɔ December 22, 1989 Awake! lɛ baafa 18 lɛ nɔ. Ayaa gbɔmɛi ni eyɛ faŋŋ akɛ amɛjieɔ anɔkwayeli kpo amɛtsɔɔ lɛ aŋɔɔ shii abɔ. Shi kɛlɛ, amɛkpɛlɛko ni akɛ amɛ akase Biblia lɛ. Nyɛsusua bɔ ni abaanyɛ akɛ saji otii ni yɔɔ Awake! lɛ mli lɛ atsu nii lɛ he koni aha amɛle bɔ ni ehe hiaa ni amɛha amɛ nifeemɔ kɛ anɔkwa nilee akpa gbee. Tsĩi saji otii ni he hiaa ni yɔɔ Nilee wolo lɛ yitso 5 lɛ mli lɛ tã: “Namɔ Jamɔ Nyɔŋmɔ Kpɛlɛɔ Nɔ?” Akane kuku 20. Abaanyɛ aku sɛɛ ayasara gbɔmɛi aŋkroaŋkroi ni tamɔ nɛkɛ koni atsɔ ŋaa gbɛ nɔ awo amɛ hewalɛ ni amɛkpɛlɛ nikasemɔ nɔ, ni amɛya kpeei.
Lala 201 kɛ naagbee sɔlemɔ.
Otsi ni Jeɔ Shishi June 23
Lala 193
10 min: Asafoŋ adafitswai. Atsɔɔ gbɛjianɔ ni ato kɛha shiɛmɔyaa yɛ otsi lɛ mli.
15 min: Mɛni Amɛwieɔ yɛ Wɔhe? Wiemɔ ni damɔ amaniɛbɔɔ ni yɔɔ Watch Tower Publications Index 1986-1995 lɛ mli, yɛ baafai 341-3 lɛ nɔ. Halamɔ “Statements by Others” (Mɛi Krokomɛi Awiemɔ) ni nɔ bɛ, ni kɔɔ Yehowa Odasefoi lɛ ahe—wɔ jeŋba kɛ wɔ nitsumɔ. Tsɔɔmɔ bɔ ni nibii ni mɛi komɛi ena yɛ wɔhe lɛ ekanya amɛ eha. Tsɔɔmɔ nɔ hewɔ ni esa akɛ enɛ awo wɔ hewalɛ daa koni wɔba wɔjeŋ jogbaŋŋ, ni wɔya nɔ yɛ wɔ nitsumɔ lɛ mli. Tsĩi bɔ ni abaanyɛ akɛ wiemɔi ni sa ni tamɔ nɛkɛ atsu nii yɛ be mli ni akɛ mɛi ni ale waa kɛ mɛi ni yɔɔ wiemɔ lɛ he miishɛɛ ni miisumɔ ni amɛle wɔhe saji babaoo lɛ gbaa sane lɛ tã.
20 min: “Fɔlɔi—Nyɛtsɔsea Nyɛbii Koni Amɛshiɛ.” Sanebimɔi kɛ hetooi. Okɛ gbɛtsɔɔmɔ ni yɔɔ Our Ministry wolo lɛ, baafai 99-100 lɛ mli, yɛ yitso ni ji “Helping Young People” (Gbekɛbii ni Aaaye Abua Amɛ) lɛ shishi lɛ afata he.
Lala 211 kɛ naagbee sɔlemɔ.
Otsi ni Jeɔ Shishi June 30
Lala 197
10 min: Asafoŋ adafitswai. Akai mɛi fɛɛ ni amɛkɛ amɛ shiɛmɔyaa he akɔntaabuu kɛha June aha.
20 min: “Obalahii kɛ Obalayei—Mɛɛ Mumɔŋ Otii Nyɛkɛmamɔ Nyɛhiɛ?” Tsɛmɛi enyɔ afee ekome kɛsusu sane lɛ he. Amɛsusu bɔ ni amɛaaye amɛbua amɛbii lɛ ni amɛhiɛ asɔ nɔ hewɔ ni ehe hiaa ni amɛkɛ teokrase otii ni baaha amɛna mumɔŋ jɔɔmɔi ama amɛhiɛ lɛ he moŋ, fe ni amɛaatiu heloonaa nibii asɛɛ.—Kwɛmɔ Our Ministry wolo lɛ baafai 116-18 lɛ hu mli.
15 min: Hesaamɔ Kɛha Wolo ni Akɛbaatsu Nii yɛ July. Halamɔ woji bibii lɛ ateŋ ekome loo enyɔ ni asumɔɔ waa yɛ nyɛ shikpɔŋkuku lɛ mli lɛ, ni otĩ saji otii ni nɔ bɛ, ni yɔɔ eko fɛɛ eko mli lɛ mli. Tsɔɔmɔ gbɛi ni abaanyɛ atsɔ nɔ akɛ enɛ atsu nii yɛ shiɛmɔ wiemɔ mli lɛ mli. Kaimɔ mɛi fɛɛ ni amɛŋmala woji ni amɛkɛha lɛ yɛ wolo nɔ amɛshwie shi, ni amɛku amɛsɛɛ amɛyatsu miishɛɛ ni aná lɛ he nii.
Lala 109 kɛ naagbee sɔlemɔ.