Sèvi liv-la Viv an bèl lavi pou toujou ! pou endé moun konstwi lafwa-yo adan Jéova épi Jézi

An létidian Labib ki lé Bondié kontan’y pou konstwi an fwa fò (Éb 11:6). Pou touché tjè’y, nou pé sèvi liv-la Viv an bèl lavi pou toujou ! Adan liv-tala ou ka touvé vèsé enpòwtan, lèsplikasion klè, bon ti kèsion, vidéwo ki ka endé alé douvan épi bèl zimaj. Lè ou endé an étidian kiltivé bèl kalité èspiritièl épi vini zanmi épi Bondié, an moman-tala ou ka réyalizé an bèl travay ki pa ka pri difé fasil apré (1Ko 3:12-15).

I ni moun ki pé pa imajinen yo pé ni an bèl lanmitié épi Bondié, pas yo pa ka wè’y. Kidonk sé wòl-nou di fè yo konprann ki moun i yé pou endé yo trapé lafwa.

GADÉ VIDÉWO-A ANNOU SÈVI LIV-LA « VIV AN BÈL LAVI POU TOUJOU ! » POU ENDÉ MOUN KONSTWI LAFWA-YO ADAN JÉOVA, APRÉ RÉPONN SÉ KÈSION-TALA :

• Kisa ki ka montré sè-tala té bien préparé létid biblik-la ?

• Ki manniè sé kèsion-an i pozé anlè Izayi 41:10, 13 endé madanm-lan ouvè tjè’y ?

• Vidéwo-a épi sé vèsé biblik-la aji anlè madanm-lan, ki manniè sa ?

Anlo pa ka konprann laranson sé kisa oben yo pa ka konprann sé an kado Jéova ba chak moun, yo osi (Gl 2:20). Kifé fòk endé yo konstwi pwòp lafwa-yo adan sakrifis Jézi-a.

GADÉ VIDÉWO-A ANNOU SÈVI LIV-LA « VIV AN BÈL LAVI POU TOUJOU ! » POU ENDÉ MOUN KONSTWI LAFWA-YO ADAN JÉZI, APRÉ RÉPONN SÉ KÈSION-TALA :

• Kisa ki ka montré frè-tala té bien préparé létid biblik-la ?

• Ki manniè i bien sèvi « Tibren plis ankò » silon sa létidian-an té ni bizwen ?

• Poutji fodré lapriyè vini an bagay potalan ba étidian-an ?