Poutji i ni ladjè jik jòdi

PÉCHÉ-A

Bondié kréyé prèmié paran-nou, Adan épi Èv, silon pòtré’y (Jénèz 1:27). Sa lé di, yo té pé natirèlman imité kalité Bondié, kontèl lapé épi lanmou (1 Korentjen 14:33 ; 1 Jan 4:8). Malérèzman, Adan épi Èv péché lè yo dézobéyi Bondié. Akòz di yo, tout limanité éritié péché-a épi lanmò (Women 5:12). É pas nou éritié péché-a souvan nou ni mové lidé, é sé pou sa anlo moun ka fè mové bagay é ka aji épi violans (Jénèz 6:5 ; Mak 7:21, 22).

GOUVÈNMAN LÉZÒM

Bondié pa kréyé nou pou nou pé sa dirijé kònou nou menm. Labib-la ka di : « Sé pa nonm-lan ki ka maché ki pou désidé koté fòk i mété pié’y » (Jérémi 10:23). Sé pou sa gouvènman lézòm pa kapab fè ladjè épi laviolans disparèt.

SATAN ÉPI SÉ DÉMON-AN

Labib-la ka aprann nou « lèmonn antié anba pouvwa méchan-an » (1 Jan 5:19). « Méchan »-tala, yo ka kriyé Satan Djab-la, sé an asasen é i mové toubannman (Jan 8:44). Satan épi sé démon-an ka enfliyansé sé moun-lan pou yo fè ladjè, épi pou yo aji épi violans (Révélasion 12:9, 12).