Yonn-dé bagay ki pé endé’w li Labib touléjou

Davrè nou ni anlo bagay pou fè adan lavi-a, ès délè sa rèd ba’w li Labib touléjou ? (Joz. 1:8). Si sé wi, mi yonn-dé bagay ou pé éséyé fè :

• Mété an sonnri. Fè téléfòn-ou oben tablèt-ou sonnen, pou fè’w sonjé ou ni Labib pou li.

• Mété Bib-ou an koté ou pé bien wè’y. Si sé anlè an Bib papié ou ka li, mété’y an koté ou kèy pé wè’y touléjou (Dét. 11:18).

• Kouté sé odio Labib-la. Kouté yo toupandan ou ka fè sa ou ni pou fè adan jounen-an. Tara, an pionié ki ni timanmay é ki ka travay lannuit, ka di : « Kouté sé odio Labib-la pandan man ka fè ménaj, ka endé mwen li Labib touléjou. »

• Pa ladjé. Si an bagay rivé, kifè ou pa ni tan li Bib-la, li omwen dé-twa vèsé avan ou alé dòmi. Menmsi ou li jiskont yonn-dé vèsé chak jou, oblijé sa ké fè’w dibien (1 Piè 2:2).