Pa fwasé pèsonn

Ki manniè Pòl té ka fè ?

VIDÉWO : Pòl ka préché ba moun Atèn

1. Gadé VIDÉWO-a ouben li Akt 17:22, 23. Apré, katjilé anlè sé kèsion-tala :

1. Kisa Pòl risanti lè i wè manniè moun Atèn té ka adoré pliziè bondié ? (gadé Akt 17:16).

2. Koumanniè Pòl anonsé yo bon nouvèl-la san fwasé yo ?

Kisa lègzanp Pòl ka aprann nou ?

2. Pou moun-lan aksèpté kouté nou, annou bien chwézi sa nou kèy di, moman-an épi manniè-a nou kèy palé.

Pou fè kon Pòl...

3. Bien chwézi sa’w kèy di. Pa ègzanp, si’w ka palé ba an moun ki pa krétjen, bien réfléchi ki manniè ou kèy palé di Labib ouben di Jézi.

4. Pa présé korijé moun-lan. Kité moun-lan palé menm si sa i ka di a, sé pa sa Labib ka ansénié (Jak 1:19). Si’w pran tan kouté’y, ou kèy sav sa i ka kwè, é poutji i ka kwè sa (Pwo. 20:5).

5. Éséyé touvé an lidé ka mété zòt dakò, épi félisité’y. Ba moun-lan, sa i ka kwè sé lavérité. Alò pou koumansé, palé asou an lidé zòt tou lé dé dakò, épi pazapa, endé’y aksèpté sa Labib ka ansénié.