VI A ON KRÉTYEN
Sèvi èvè liv-la Ou pé ni tchè-kontan pou touttan ! lè ou ka préché
A pa ti kontan nou kontan ni on nouvo bwochi é on nouvo liv pou kondui étid biblik ! Nou ka priyé pou Jéova béni éfò an nou pou fè lontan plis disip (Mat 28:18-20 ; 1Ko 3:6-9). Kijan pou nou itilizé sé nouvo zouti-lasa ?
Ou pé ni tchè-kontan pou touttan ! ka montré on nouvo métòd pou anségné. Mi sa pou fè pou préparé-w é pou kondui on étid biblika.
Li sé paragraf-la é sèvi èvè sé kèsyon-la pou fè on ti kozé.
Li sé vèwsé-la yo ka mandé-w « li », é édé étidyan-la konprann ki rapò yo ni èvè lidé-la ou ka èspliké la.
Gadé sé vidéo-la é fè on ti kozé asi yo (lè ni kèsyon, sèvi èvè yo pou fè ti kozé-la).
Éséyé fè lèson-la an antyé chakfwa ou ka fè étid-la.
Lè ou ka préché, koumansé pa pwopozé moun-la bwochi-la pou vwè si i entérésé (gadé ti karé-la « Kijan ou pé prézanté bwochi-la Ou pé ni tchè-kontan pou touttan ! lè ou ka vwè on moun pou prèmyé fwa »). Si zò fin bwochi-la é kè étidyan-la vlé kontinyé étidyé, pwopozé-y liv-la é koumansé èvè lèson 4 la. Si ou ja ka étidyé adan liv Aprann la èvè on moun, oben adan liv-la Restez dans l’amour de Dieu (oben adan ondòt piblikasyon ki fèt pou étidyé), kontinyé étid-la adan liv-la Ou pé ni tchè-kontan pou touttan ! é désidé pa ki lèson zò pé koumansé.
GADÉ VIDÉO-LA NOU KONTAN ÉTIDYÉ LABIB ÈVÈ-W, APRÉSA RÉPONN A SÉ KÈSYON-LASA :
Ka sé étidyan-la ké aprann adan nouvo liv-la ?
Poukwa fò ou montré sé nouvo étidyan-la vidéo-lasa ?
Piti-a-piti, fò ou ankourajé étidyan-la a ni òbjèktif é a atenn-yo. Ki òbjèktif ésa ? (gadé tablo-la « Òbjèktif a chak pati é sa étidyan-la pé fè » ki asi paj 16 la).
a NÒT : Menmsi pannan étid-la, ou pa oblijé vwè sa ki adan « Ay gadé sa osi », pran tan li oben gadé tousa ki adan pati-lasa lè ou ka préparé-w. Konsa, ou ké sav sa ki té’é pé entérésé étidyan a-w an pawtikilyé é sa ki té’é pé édé-y. Adan vèwsyon élèktwonik la, ni dé lyen ki ka voyé-w asi vidéo é asi dòt biten ankò.
ÒBJÈKTIF A CHAK PATI É SA ÉTIDYAN-LA PÉ FÈ |
|||
|---|---|---|---|
LÈSON |
ÒBJÈKTIF |
SA ÉTIDYAN-LA PÉ FÈ |
|
1 |
01-12 |
Dékouvè kijan Labib pé édé-w é kijan ou pé aprann konnèt Lotè a Labib |
Li Bib a-y, préparé étid a-y é vin réinyon |
2 |
13-33 |
Gadé sa Bondyé fè pou nou é jan i vlé nou adoré-y |
Palé èvè dòt moun dè lavérité é vin pwoklamatè |
3 |
34-47 |
Dékouvè sa Bondyé ka atann dè sèwvitè a-y |
Ba Jéova vi a-y é pran lèbatèm |
4 |
48-60 |
Aprann kijan ou pé rété adan lanmou a Bondyé |
Aprann fè ladiférans ant sa ki byen é sa ki mal é fè pwogré èspirityèl |