Ti konsèy a mwa-lasa

Gadé pou vwè ka ki pi enpòwtan

Nou ni onlo biten a fè, kifè, nou pa ni tout tan an nou pou étidyé tousèl an nou. Kijan ou pé sèvi èvè tan a-w méyè fason ki tini ? On prèmyé biten ou pé fè, sé pran tan a-w lè ou ka étidyé. Si ou ka étidyé déotwa biten men kè ou ka pran tan a-w pou fè sa byen, sa ké pi itil pou-w ki si ou ka li onpakèt biten é kè ou ka fè sa alakous.

Aprésa, gadé pou vwè ka ki pi enpòwtan (Éféz. 5:15, 16). Mi déotwa biten ou pé éséyé fè :

• Li Labib touléjou (Sòm 1:2). On biten entérésan ou pé fè pou koumansé, sé li sé chapit-la kè nou ké vwè adan réinyon a simenn-la.

• Préparé awtik a Tou dè Gad la nou ké étidyé pannan wikenn-la é préparé réinyon a simenn-la. Préparé-w byen é gadé pou vwè ki komantè ou ké pé bay (Sòm 22:22).

• Lè ou ni on ti moman, éséyé gadé sé dènyé vidéo-la ki sòti la, é éséyé li sé dènyé jounal-la é sé dènyé awtik-la nou ka touvé asi jw.org.

• Étidyé on biten ki ka entérésé-w. Pa ègzanp, ou té’é pé fè rèchèch asi on pwoblèm ou ka jwenn, asi on kèsyon ou ka pozé-w oben asi on biten adan Labib kè ou té’é enmé konprann pibyen. Ou ké touvé déotwa lidé entérésan adan ribrik-la « Explore la Bible ! » asi jw.org.