Sèvi èvè kèsyon

Jéova, « Dyé-la tchè a-y kontan la », vlé nou ni tchè-kontan adan prédikasyon-la (1Tm 1:11). É pli nou ka vin filé adan ministè-la, pli sa ka ban-nou jwa. Sé kèsyon-la pé ba sé moun-la anvi kouté-nou, é sa ka pèwmèt-nou démaré on ti kozé on mannyè ki natirèl. Anplis, sa ka ba-yo anvi réfléchi é sa ka ba-yo anvi rézonné (Mat 22:41-45). Lè nou ka pozé on moun on kèsyon é nou ka pran tan kouté-y, nou ka montré-y kè i ni valè an zyé an nou (Jk 1:19). Répons a moun-la pé pèwmèt-nou sav plibyen adan ki dirèksyon pou nou gidé ti kozé-la.

GADÉ VIDÉO-LA FÈ DISIP PÉ BA-W JWA... VIN PLI FILÉ : SÈVI ÈVÈ KÈSYON, É RÉPONN A SÉ KÈSYON-LASA :

• 

  Ki bèl kalité Jade manifèsté ?

• 

  Kijan Neeta sèvi èvè kèsyon pou montré i té ka sousyé-y dè Jade ?

• 

  Kijan Neeta sèvi èvè kèsyon pou ba Jade anvi entérésé-y plis a bon nouvèl-la ?

• 

  Kijan Neeta sèvi èvè kèsyon pou fè Jade réfléchi é pou fè-y rézonné ?