Lésé Jéova édé-w grasa lapriyè

Sé Jéova ki ka fè on grenn vérité pran rasin adan on tchè é ki ka fè-y pousé (1Ko 3:6-9). Sé pousa, pou nou ni bon rézilta adan ministè-la, fò nou chèché èd a Jéova pou noumenm é pou moun ki ka étidyé Labib èvè nou.

Mandé Jéova édé étidyan a-w tchenbé anba présyon é janmbé sa ki té’é pé frenné-yo (Flp 1:9, 10). Palé dè biten byen prési. Priyé pou lèspri sen gidé sa ou ka pansé é sa ou ka fè (Lk 11:13). Aprann étidyan a-w priyé é édé-yo konprann jan sa enpòwtan kè yo fè-y. Priyé èvè yo é pou yo é nonmé non a yo lè ou ka fè sa.

GADÉ VIDÉO-LA FÈ DISIP PÉ BA-W JWA... LÉSÉ JÉOVA ÉDÉ-W : LAPRIYÈ, APRÉSA RÉPONN A SÉ KÈSYON-LASA :

• Ki difikilté Neeta té ka jwenn adan étid a Jade ?

• Kijan 1 Korentyen 3:6 édé Neeta ?

• Ka ki rézoud pwoblèm a Neeta ?