Édé moun ki ka étidyé Labib èvè-w lagé mové labitid

Pou on moun ni on bèl lanmityé èvè Jéova, sa enpòwtan toubònman kè i menné on vi ki pwòp (1P 1:14-16). Byensouvan, lè on étidyan a Labib ka lagé mové labitid i té ni, i ka jwenn byenfé adan fanmi a-y, adan domenn a lasanté é adan domenn a lajan.

Èspliké étidyan a-w on mannyè ki klè prensip a Jéova anrapò èvè sa ki byen é sa ki mal, pou ki rézon i ka mandé-nou suiv-yo é ki byenfé nou ka jwenn lè nou ka mété-yo an pratik. Rété konsantré asi sa ou pé fè pou édé étidyan a-w chanjé jan i ka pansé, é konsa i ké pé fè sa ki fo pou fè Jéova plézi (Éf 4:22-24). Montré-y kè asirésèten, grasa a èd a Jéova, i pé rivé lagé on vyé labitid i ni (Flp 4:13). Aprann-li sipliyé Jéova lè i anvi fè on biten ki pa bon. Édé-y rèkonnèt sitiyasyon ki danjéré pou i pa pri adan yo. Ankourajé-y mèt bon labitid an plas a mové labitid a-y. Ou ké ni tchè-kontan toubònman lèwvwè étidyan a-w ké rivé fè chanjman grasa èd a Jéova.

GADÉ VIDÉO-LA ÉDÉ MOUN KI KA ÉTIDYÉ LABIB ÈVÈ-W LAGÉ MOVÉ LABITID, APRÉSA RÉPONN A SÉ KÈSYON-LASA :

• 

  Ka ki ka montré kè Neeta é sé ansyen-la té ka fè Jade konfyans ?

• 

  Ka Neeta fè anplis pou édé Jade ?

• 

  Kijan Jade chèché èd a Jéova ?