Édé moun ki ka étidyé Labib èvè-w konstwi on bèl lanmityé èvè Jéova

Jéova vlé nou sèvi-y pas nou enmé-y (Mat 22:37, 38). Sé lanmou pou Bondyé ki ké ba on étidyan a Labib fòs pou fè chanjman ki nésésè é pou tchenbé rèd anba éprèv (1Jn 5:3). Sé lanmou pou Bondyé ki ké pousé-y pran lèbatèm.

Édé étidyan a-w vwè lanmou Jéova ni pou-y. Pozé-y kèsyon kon pa ègzanp : « Ka sa ka aprann-vou asi Jéova ? » oben « Kijan sa ka montré kè Bondyé enmé-w ? ». Édé-y konprann kijan Jéova ka édé-y pèwsonèlman (2Kr 16:9). Rakonté-y kijan Jéova réponn a dé priyè byen prési ou té fè-y é ankourajé-y rété véyatif pou vwè kijan i ka réponn a priyè a-y. Lè on étidyan ka rèsanti lanmou a Jéova é kè limenm ka montré jan i enmé-y fò, sa ka menné onlo jwa.

GADÉ VIDÉO-LA ÉDÉ MOUN KI KA ÉTIDYÉ LABIB ÈVÈ-W KONSTWI ON BÈL LANMITYÉ ÈVÈ JÉOVA, APRÉSA RÉPONN A SÉ KÈSYON-LASA :

• 

  Ki difikilté Jade jwenn ?

• 

  Kijan Neeta édé Jade janmbé difikilté-lasa ?

• 

  Kijan Jade rivé about a difikilté-lasa ?