Aprann étidyan a-w pran nouriti èspirityèl yomenm a yo

Pou sé étidyan-la konnèt Jéova é vin dé krétyen ki mi èspirityèlman, fò pa yo kontanté-yo dè aprann konnèt sé vérité-la nou ka anségné-yo la (Mat 5:3 ; Éb 5:12 – 6:2). Fò yo aprann osi kijan pou yo nouri-yo èspirityèlman yomenm a yo.

Montré étidyan a-w granbonnè kijan pou yo préparé étid a yo é ankourajé-yo fè-y (mwb18.03-F 6). Ankourajé-yo priyé chakfwa yo kay koumansé étid pèwsonèl a yo. Édé-yo ay asi sé zouti élèktronik la nou ni la pou étidyé é aprann-yo sèvi èvè yo. Montré-yo kijan yo pé touvé sé nouvoté-la asi jw.org é JW Télédifizyon. Piti-a-piti, aprann-yo li Labib touléjou, préparé sé réinyon a lasanblé la é fè rèchèch pou yo touvé répons a kèsyon yo ka pozé-yo. Édé-yo médité asi sa yo ka aprann.

GADÉ VIDÉO-LA ÉDÉ MOUN KI KA ÉTIDYÉ LABIB ÈVÈ-W : PRAN NOURITI ÈSPIRITYÈL, APRÉSA RÉPONN A SÉ KÈSYON-LASA :

• 

  Kijan Neeta fè Jade konprann kè étidyé a pa enki touvé répons ?

• 

  Ka ki fè Jade sèten kè Jéova ni dé rézon solid pou i entèwdi péché sèksyèl ?

• 

  Ka Jade konprann anrapò èvè lèfèt dè médité ?