PRAN MINISTÈ-LA OSÉRYÉ | FÈ ANSÒT POU OU NI PLIS JWA LÈ OU KA PRÉCHÉ
Touché tchè a moun-la
Sé tchè an nou ki ka pousé-nou obéyi Bondyé (Pw 3:1). Sé pousa, fò nou fè éfò pou touché tchè a sé moun-la ki ka kouté-nou la lè nou ka anségné-yo. Kijan nou pé fè sa ?
Pa kontanté-w dè aprann étidyan a-w sé vérité-la ki an Bib-la. Édé-y vwè kijan sé vérité-lasa pé aji asi vi a-y é asi lanmityé a-y èvè Jéova. Édé-y konprann kijan prensip a Labib ka montré lanmou, bonté é jistis a Bondyé. Èvè dousè é jantiyès, pozé-y kèsyon ki ké fè-y réfléchi é ki ké édé-y di sa i ka rèsanti parapòt a sa i ka aprann. Fè-y rézonné asi sé byenfé-la i ké ni la si i ka korijé on mové mantalité oben on mové labitid. Lè ou ké vwè kè étidyan a-w ni on lanmou sensè pou Jéova, ou ké ni plis jwa.
GADÉ VIDÉO-LA FÈ DISIP PÉ BA-W JWA... VIN PLI FILÉ : TOUCHÉ TCHÈ A MOUN-LA, APRÉSA RÉPONN A SÉ KÈSYON-LASA :
Poukwa Neeta mandé Jade : « Ou réfléchi asi sa nou palé lendi pasé » ?
Kijan Neeta édé Jade vwè ki rapò ki ni ant sé prensip-la ki an Bib-la é lanmou Jéova ni pou-y ?
Si nou ka touché tchè a étidyan an nou, sa ké ba-y anvi pwogrésé.
Kijan Neeta édé Jade réfléchi asi sa i pé fè pou montré Jéova lanmou a-y ?