PRAN MINISTÈ-LA OSÉRYÉ | FÈ ANSÒT POU OU NI PLIS JWA LÈ OU KA PRÉCHÉ
Sèvi èvè ègzanp pou èspliké lidé ki enpòwtan
Lè nou ka viré vwè on moun oben lè nou ka fè on étid biblik, fò nou édé moun-la byen konprann sé lidé enpòwtan la. Lè nou ka sèvi èvè ègzanp pou nou èspliké sé lidé-lasa, sa pé touché tchè a-y é sa pé édé-y woutyenn-yo plibyen.
Lè ou ka préparé-w pou viré vwè on moun oben pou fè on étid biblik, chèché sé lidé enpòwtan la (é pa sé détay-la) kè ou vé èspliké grasa sé ègzanp-la. Aprésa, chwazi dé ègzanp tousenp bazé asi sa ki ka fèt adan vi an nou touléjou (Mat 5:14-16 ; Mk 2:21 ; Lk 14:7-11). Lè ou ka fè sa, tchenn kont dè sa ki alantou a moun-la é dè sa i ka fè (Lk 5:2-11 ; Jan 4:7-15). Lè ou ké vwè zyé a on moun ka kléré pas i konprann on lidé, ou ké kontan toubònman.
GADÉ VIDÉO-LA FÈ DISIP PÉ BA-W JWA... VIN PLI FILÉ : SÈVI ÈVÈ ÈGZANP POU ÈSPLIKÉ LIDÉ KI PLI ENPÒWTAN, APRÉSA RÉPONN A SÉ KÈSYON-LASA :
Poukwa on étidyan pé bizwen yo édé-y pou konprann on vèwsé a Labib ?
Ki ègzanp Neeta itilizé pou èspliké vérité-la ki an Women 5:12 ?
Ègzanp ki byen chwazi ka touché tchè a moun.
Kijan on bon ègzanp pé aji anlè on moun ?
Lè nou ka préché, poukwa fò nou sèvi èvè sé vidéo-la é sélézòt zouti-la ki fèt pou anségné kè òwganizasyon-la ka ban-nou ?