Anségné on mannyè ki vivan

Chalè nou ni ka détenn asi lézòt. Sa ka ba sé moun-la anvi kouté sa nou ka di, é sa ka montré kè nou ka ba mésaj-la nou ka pòté la onlo enpòwtans. Kèlkanswa jan yo lévé-nou, kilti an nou oben pèwsonalité an nou, nou pé aprann mèt chalè adan sa nou ka di (Wom 12:11). Kijan ?

On prèmyé biten ou pé fè, sé réfléchi asi enpòwtans a mésaj-la ou ka pòté la. Ou ni on bèl lonnè : ‘anonsé bon nouvèl-la’ ! (Wom 10:15). On dézyèm biten ou pé fè, sé pran tan réfléchi asi bon biten sé bon nouvèl-lasa pé pòté adan vi a sé moun-la ki ka kouté-w la. Sa nésésè toubònman kè yo tann mésaj-la ou ka préché la (Wom 10:13, 14). É on dènyé biten ou pé fè, sé palé èvè tout tchè a-w é montré sa ou ka rèsanti vréman, ki asi figi a-w ki adan jès natirèl ou ka fè.

GADÉ VIDÉO-LA FÈ DISIP PÉ BA-W JWA... VIN PLI FILÉ : ANSÉGNÉ ON MANNYÈ KI VIVAN, É RÉPONN A SÉ KÈSYON-LASA :

• 

  Ka ki fè Neeta pèd chalè a-y parapòt a étid a Jade ?

• 

  Ka ki édé Neeta rètouvé chalè-la i té ni la ?

• 

  Poukwa fò nou konsantré-nou asi bèl kalité a sé moun-la ki ka kouté-nou la ?

• Kijan chalè nou ni pé aji asi lézòt, é siwtou asi étidyan an nou ?