Montré ou ni konpasyon

On moun ni konpasyon lè i kapab konprann sa lézòt ka pansé, sa yo ka rèsanti, sa ki ni valè ba yo é sa yo bizwen. Lézòt ka vwè fasilman lè on moun ni konpasyon ba yo. Pou nou ni konpasyon ba lézòt, fò nou vréman vlé édé-yo. Lè nou ka montré nou ni konpasyon adan ministè-la, nou ka imité lanmou a Jéova é tandrès a-y, é sa ka ba moun anvi konnèt-li (Flp 2:4).

Manifèsté konpasyon a pa jis on tèknik ; nou ka montré nou ni konpasyon adan mannyè nou ka kouté é nou ka palé. Nou ka montré konpasyon an nou osi adan atitid an nou, jès nou ka fè é adan mannyè nou ka palé. Nou ka manifèsté kalité-lasa lè nou ka entérésé-nou vréman a on moun. Nou ka tchenn kont dè sa ki ka entérésé-y, dè sa i ka kwè é dè sa i ka viv. Nou ka ba-y enfòwmasyon ki itil é nou ka pwopozé-y édé-y, men nou pa ka fòsé-y chanjé. Lè sé moun-la ka aksèpté nou édé-yo, sa ka fè-nou ni plis jwa ankò adan ministè-la.

MONTRÉ VIDÉO-LA FÈ DISIP PÉ BA-W JWA... VIN PLI FILÉ : MONTRÉ OU NI KONPASYON, APRÉSA RÉPONN A SÉ KÈSYON-LASA :

• 

  Kijan Neeta montré i té ni konpasyon lè Jade rivé anrèta ?

• 

  Kijan Neeta montré i té ni konpasyon lè Jade di-y kè i té two istrésé pou fè étid a-y ?

• 

  Kijan Neeta montré i té ni konpasyon lè Jade di-y kè biten a-y pa jen annòd ?