PRAN MINISTÈ-LA OSÉRYÉ | FÈ ANSÒT POU OU NI PLIS JWA LÈ OU KA PRÉCHÉ
Sèvi èvè zouti pou chèché
Jéova ka ban-nou zouti nou bizwen pou nou vin pli filé lè nou ka anségné : vidéo, trak, jounal, bwochi, liv, é Labib ki sé zouti prensipal an nou (2Tm 3:16). I ka ban-nou osi zouti pou fè rèchèch pou édé-nou èspliké Labib : Watchtower Library, aplikasyon-la JW Library®, BIBLIYOTÈK ANLÈ ENTÈWNÈT a Lawatchtower, é Guide de recherche la ki fèt pou Témwen a Jéova.
Ou ké ni onlo jwa lè ou ké sèvi èvè sé bèl zouti la nou ni la pou fouyé pou jwenn trézò èspirityèl. Fè ansòt pou ou aprann étidyan a-w byen sèvi èvè sé zouti-lasa. Konsa, yo osi yo ké ni onlo jwa lè yo ké touvé répons a kèsyon biblik yo ka pozé-yo.
GADÉ VIDÉO-LA FÈ DISIP PÉ BA-W JWA... LÉSÉ JÉOVA ÉDÉ-W : SÈVI ÈVÈ ZOUTI POU CHÈCHÉ, APRÉSA RÉPONN A SÉ KÈSYON-LASA :
Ki pawòl Jade di anrapò èvè lakréyasyon Neeta té ni a janmbé ?
Ola Neeta touvé enfòwmasyon asi sijé-lasa ?
Lè nou ka touvé trézò èspirityèl é kè nou ka pawtajé-yo, sa ka ban-nou onlo jwa.
Kijan i fè pou chwazi sé enfòwmasyon-la ki té’é pé touché Jade plis ?
Ka Neeta rèsanti lè i sèvi èvè zouti nou ni pou fè rèchèch ?