Édé étidyan a-w mèt mové frékantasyon akoté

Pou on étidyan a Labib vin zanmi a Jéova, fò i chwazi zanmi a-y byen (Sòm 15:1, 4). Si i ni bon frékantasyon, sa ké pousé-y fè sa ki jis (Pw 13:20 ; lff-F lèson 48).

Lè ou ka édé on moun ki ka étidyé Labib èvè-w mèt mové frékantasyon akoté, éséyé mété-w an plas a-y. I pé ni dimal a lagé zanmi a-y adan mond-la. Sé pousa, montré-y on entéré ki sensè menm andéwò a étid-la. Ou pé voyé on mésaj ba-y, pasé-y on ti koudfil, oben rann-li on ti vizit. Mizi-an-mizi étidyan a-w ka fè pwogré, ou pé envité-y pasé on ti moman èvè sé frè é sè la. Konsa, i ké vwè on mannyè ki klè kè i ka gangné lontan plis ki sa i ka pèd (Mk 10:29, 30). Vou osi, ou ké ni tchè-kontan lè ou ké vwè kè fanmi a Jéova ka grandi.

GADÉ VIDÉO-LA ÉDÉ MOUN KI KA ÉTIDYÉ LABIB ÈVÈ-W MÈT MOVÉ FRÉKANTASYON AKOTÉ, APRÉSA RÉPONN A SÉ KÈSYON-LASA :

• Ka ki on mové frékantasyon ? (1Ko 15:33).

• Kijan Jade imajiné jan sé krétyen-la dwèt ka anmizé-yo ?

• Kijan Neeta édé Jade ranplasé mové frékantasyon i té ni ?