Édé moun ki ka étidyé Labib èvè-w vin réinyon

Sé réinyon a lasanblé-la sé on biten ki fondal adan vré adorasyon-la (Sòm 22:22). Touséla ki ka sanblé pou sèvi Jéova ka trapé jwa é bénédisyon (Sòm 65:4). Byensouvan, moun ki ka étidyé Labib ka fè pwogré pli vit lè yo ka vin réinyon chak simenn.

Kijan ou pé édé on moun ki ka étidyé Labib vin réinyon ? Kontinyé envité-y. Montré-y vidéo-la Ka ki ka fèt adan on Sal di Wayòm ? Èspliké-y ki byenfé sé réinyon-la ké pòté ba-y (lff lèson 10). Ou pé pawtajé èvè-y on lidé byen prési kè ou aprann adan on réinyon oben gadé èvè-y sa i ké ni adan on réinyon ki ka vin. Ba étidyan a-w sé piblikasyon-la yo ké itilizé pannan réinyon-la. Pwopozé-y fè on biten itil ba-y. Pétèt i ké bizwen ou vin chèché-y. Ou ké vwè fwi a tout sé éfò-la ou fè la lèwvwè étidyan a-w ké vin réinyon pou prèmyé fwa (1Ko 14:24, 25).

GADÉ VIDÉO-LA ÉDÉ MOUN KI KA ÉTIDYÉ LABIB ÈVÈ-W VIN RÉINYON, APRÉSA RÉPONN A SÉ KÈSYON-LASA :

• 

  Dè ki lokazyon Neeta pwofité pou envité Jad adan réinyon a lasanblé-la ?

• 

  Poukwa nou ni tchè-kontan lè on étidyan a Labib ka vin réinyon ?

• 

  Kijan sa pasé pou Jad prèmyé fwa i vin réinyon ?