LÉSON 13

Byen montré moun-yan ki sa to ka di pouvé idé yé

Proverbes 3:21

SA TO DIVÈT FÈ : Fè moun-yan wè ki sa to ka di pouvé idé yé, é montré yé kouman yé pouvé fè sa yé ka anprann.

Sonjé moun-yan ki ka kouté to. Pran tan byen réfléchi asou poukisa yé bézwen tandé sa to ké di, épi gadé wè kisa ki ké pi bon pou yé.
Toupannan to ka palé, fè moun-yan konprann sa yé divèt fè. Dipi to koumansé palé, chak moun divèt di so kò : « Sa lidé-ya ké bon pou mo ». Pou chak lidé enpòrtan to ka bay, montré yé kouman yé pouvé fè sa annan yé lavi. A pou sa to ka di-a byen klè pou yé.

Montré moun-yan kouman yé pouvé fè sa Labib-a ka di. A pou to gen lanmou lò to ka palé pou yé, é a pou yé wè ki to ka konprann sa yé ka rousanti. Kou to sir ki a yé tchò ki ké pousé yé fè sa ki bon, pa fè yé ronté ; miyò to fè yé lafwa ké yé lanmou vin pi fò.