Fè tousa to pouvé pou touché tchò moun-yan

Proverbes 3:1

SA TO DIVÈT FÈ : Idé moun-yan konprann valò sa to ka anprann yé, épi idé yé fè sa yé ka anprann.

KOUMAN TO POUVÉ FÈ SA ?

• Fè moun-yan réfléchi asou yé menm. Pozé késyon yé ké pouvé réponn yé menm, pou idé yé réfléchi asou sa yé ka rousanti.

• Bay moun-yan anvi fè bon bagaj. Fè moun-yan réfléchi asou poukisa yé lé fè bèl bagaj. Idé moun-yan fè bagaj-ya pou bon rézon-yan : lanmou pou Jéova, pou yé konpanyen, épi pou ansèyman ki annan Labib-a. Fè yé réfléchi ; pa babyé yé ; pa fè yé ronté. Lò to ka bout to kozman, yé divèt santi to ka ankourajé yé, épi fo yé anvi bay sa yé gen ki miyò.

• Mété Jéova douvan. Montré kouman ansèyman, prensip ké koumannman ki annan Labib-a ka montré kalité Jéova ganyen, épi lanmou i gen pou nou. Fè moun-yan anvi savé sa Jéova ka rousanti, bay yé anvi fè li plézi.