LÉSON 16
A pou to ankourajé moun-yan
Job 16:5
SA TO DIVÈT FÈ : Mété to lidé asou solisyon-yan, pa asou problèm-yan. Mété to lidé asou bagaj ki ké bay moun-yan anvi fè sa ki fo.
KOUMAN TO POUVÉ FÈ SA ?
Sasé wè sa ki bon koté ròt-ya. A pou to di to kò ki to frè ké sò-yé lé fè Jéova plézi. Menmsi to divèt bay yé konsèy, chak kou to pouvé, félisité yé anvan.
Pa rété la ka palé yenki di bagaj ki pa ka ankourajé. Palé di roun problèm, roun trafalga, ouben roun mové nouvèl, sèlman si sa pouvé idé moun-yan konprann roun bagaj. A pou to toujou palé di roun fason ki ka ankourajé.
Byen sèrvi Palò Bondjé-a. Palé di sa Jéova ja fè, sa i ka fè, ké sa i ké fè pou tout moun. Bay moun-yan èspwar ké kouraj.