LÉSON 12
Palé ké lanmou é gadé pou ròt-ya
1 Thessaloniciens 2:7, 8
SA TO DIVÈT FÈ : Palé ké to tchò é montré moun-yan ki to ka gadé pou yé.
KOUMAN TO POUVÉ FÈ SA ?
Sonjé moun-yan ki ka kouté to. Pou préparé to tchò, sonjé tout trafalga yé ka jwenn. Éséyé imajinen sa yé ka rousanti.
Byen chwézi sa to ké di. Gadé pou ankourajé, konsolé, ké bay moun fòrs. Pa di anyen ki pouvé fè moun-yan mal. Pa kritiké moun-yan ki pa Témwen Jéova, é pa malpalé sa yé ka krè.
Gadé pou ròt-ya. A pou to vwa dous é a pou to byen chwézi to jès, pou moun-yan santi ki to vréman ka gadé pou yé. A pou yé wè l’ asou to vizaj ; fè roun ti ari souvan.