LÉSON 18

Bay enfòrmasyon ki ké itil pou moun-yan

1 Corinthiens 9:19-23

SA TO DIVÈT FÈ : Fè moun-yan réfléchi, konsa yé ké gen lenprésyon yé anprann roun bagaj ki itil.

Sonjé sa moun-yan ja savé. Pa répété bagaj yé ja tandé rounso, idé yé anprann ròt bagaj.

Pa pédi tan asou bagaj yé byen konnèt. Pran plis tan pou palé di nouvo lidé-ya.
Fè réchèrch épi kabéché asou sa. Si to pouvé, lò to ka bay èkzanp pou lidé enpòrtan-yan, sèrvi enfòrmasyon moun-yan pa djè konnèt, ouben palé di nouvèl to tandé. Byen réfléchi pou wè si enfòrmasyon to lé bay k’alé ké sijè-a.

Lò to ka préparé to kò, pran tan byen réfléchi asou lidé-ya épi doumandé to kò : « A kimoun ? Di kisa yé ka palé ? A té ki koté ? A té kitan ? Kouman sa fèt ? Poukisa sa fèt ? ». Pou sa pi vivan lò to ka palé, pozé sa kalité késyon-yan épi bay moun-yan répons-ya.
Montré poukisa sa to ka di enpòrtan. Èspliké poukisa sa vèrsé-ya ki annan Labib-a pouvé idé moun-yan touléjou. Palé di sitiasyon, fason moun-yan ka pansé, ouben konpòrtman moun-yan byen konnèt.