LÉSON 15

A pou to byen dibout dèyè sa to ka di

1 Thessaloniciens 1:5

SA TO DIVÈT FÈ : Montré ki to ka vréman krè ki sa to ka di a lavérité é ki sa enpòrtan.

Byen préparé to kò. Byen étidyé sa yé bay to pou fè sijè-a, jiktan to konprann ki lidé ki pi enpòrtan, é kouman Labib-a ka montré ki sa lidé-ya vré. Éséyé sèrvi palò ki tou senp pou palé di lidé enpòrtan-yan. Byen mété to lidé asou kouman sa to ké di ké idé moun-yan. Priyè pou to gen lèspri sen.

Répété lidé-ya byen fò pou yé vin byen klè annan to lèspri é pou to prézanté to sijè pi byen.
Sèrvi palò ki ka montré to byen dibout dèyè sa to ka di. Pa répété chak mo ki marké annan roun piblikasyon ; palé pito di topa fason. Sèrvi palò ki ka montré to vréman sir ki sa to ka di a lavérité (Jean 3:3 ; Rom. 8:38).
Montré ki to vréman sir di sa to ka di. A pou to palé asé fò. Byen gadé moun-yan si sa pa ka jennen yé annan koté to ka rété-a.

Lò to byen dibout dèyè sa to ka di, sa pa lé di dérèspèkté moun-yan, ouben to tèt dou, ouben to ka ensisté. Menmsi to sir di sa to ka di, a pou to janti ké moun-yan lò to ka palé pou yé.