TITIRAKI AIKA KAEKAAKI MAN TE BAIBARA

Iai bukini karikan ara buraneti?

E bon tonu raoi karikan te buraneti bwa e na maekanaki ni baika maiu. E rangi ni bati iai te ran ae te bwai ae rangi ni kakawaki ibukin te maiu. E bon eti tein te aonnaba bwa e rara, e minomino ao e katomimia taai bwa e aonga n aki buraoki taari ke ni buro nako. Ao e kamanoaki te aonnaba man te korakora ae kamamate n te maekineti. E kamimi bwa e aki kona ni maiu te aroka i aon te aba n tii ngaia ma e kainnanoa naba te man. Ibukin anne, a a bati aomata aika a iangoia bwa iai bukini karikan ara buraneti aei.​—Wareka Itaia 45:18.

Ma ko bae ni mimi ma ni kangai: ‘E koaua bwa e irekereke anne ma te rawawata ao te ribuaka?’​—Wareka Te Tua-Kaua 32:4, 5.

E na kakororaoaki te kantaninga ibukin te aonnaba?

E karikaki te aonnaba bwa te mwenga ae kakukurei ibukia aomata ake a ikarinerine ao n tangira aia tia Karikiriki. Ai ngaia are e kakawaki riki maiuia aomata nakoni maiuia aroka ao maan. Ti kona n ataa ara tia Karikiriki ao ni kona naba ni karinea ao ni katotonga ana tangira ma ana kaetitaeka ae riai.​—Wareka Te Minita 12:13; Mika 6:8.

E kona te tia Karaoira ni kakororaoi bwaai ni kabane ake e iangoi bwa e na karaoi. Ai ngaia are, ti kona ni kakoauaa bwa e na kamauna te rawawata ao te ribuaka ao ni bita ara buraneti bwa te mwenga ae kororaoi ma ni kakukurei ibukia botannaomata.​—Wareka Taian Areru 37:11, 29; Itaia 55:11.