E na Moanaki ni Maati 22, te Mwakuri ae Kaoaia Aomata Nakon te Kauring

N te ririki aei ao e na moanaki n te Kaonobong, Maati 22, ara mwakuri ae kaoaia aomata nakon te Kauring. Ti kaungaaki ni kabane bwa ti na ibuobuoki iai. N te wikeen ao ti na tibwai naba maekatin aika boou ngkana e angaraoi. N te moani Kaonobong n Eberi, ti na kaatuua ara mwakuri i aon tibwaani beeba ni kakao ma tiaki moanakin te reirei n te Baibara. Ma e ngae n anne, ngkana ti kaitiboo ma temanna ae kaota te kan ongora, ti kona ni kataia ni moana te reirei n te Baibara ma ngaia. E kona ni baireia te mataniwi ibukin te mwakuri bwa a na buokaki ke a na aki kaain te ekaretia ni kawariia aomata aika bati n aia aono, ngkana a tibwai beeba ni kakao rinanon te uarongorongo n ana tabo te botannaomata. Korei araia mangkai am koraki, raom ni mwakuri, raom n reirei, aomata ake ko okiokiriia, ao aomata ake ko kinaia ake ko kani kaoia, ao angania aia beeba ni kakao ngkana e a moanaki te mwakuri. Ti kantaningaia bwa a na bati aika a na uataboa ma ngaira kauringaan aanga aika uoua aika a moanibaa n raoiroi ibukini kaotiotan te tangira.​—Ioa. 3:16; 15:13.