“Kamanena te Kaongora Man te jw.org ae ‘Become Jehovah’s Friend’ n am Mwakuri ni Minita”

Ni kanoan te atureti ae jw.org i aan “Bible Teachings” ao iai te kaongora ibukia ataei ae mena n te atu ae “Become Jehovah’s Friend” ae kanoana anene, taamnei ao mwakuri aika a na karaoi ataei. Ko a tia ni kamanena aei n am mwakuri ni minita? Ngkana ko reirei n te Baibara ma te karo ae iai natina ae uarereke, e aera ko aki kaotia nakoina? E na kairaki iai bwa e na ukeuke n itera riki tabeua n ara atureti aei.

N tibwaakin te turaeki ae Rongorongon te Tautaeka n Uea Na. 38, ao e kaitiboo te tari te mwaane ma te aine are e a wareka naba te turaeki ngke e anganna teuanne. E bati natin te aine aei ake a kiriuriu nanoia ibukin te turaeki. E kakimototoa ana maroro te tari te mwaane ni kanoan te turaeki ao e kaota ara atureti ae mena i tinanikuna. Kioina ngkai e rangi n ingainga ni kan ongora te aine arei, e a manga kaota nakoina ma natina te taamnei ae Kareba ni kabongana ana mobwaera.

E reitaki te tari te aine ma raona ni mwakuri ae iai natina n taekan ara atureti ao te rongorongo ibukia utu ae mena iai. E mamataku n te jw.org ma natina. Imwina, e a tuanga te tari te aine arei bwa a nakonako natina ni katobibia te auti ma n anenea te anene ae “Uarongorongoa te Taeka,” ae teuana mai buakon anene i aan te atu ae “Become Jehovah’s Friend.”

Ti riai ni kataneiaira n te kaongora aei ao ni karekea teuana mai buakon taamnei, anene, ke mwakuri aika a na karaoi ataei nakon am mobwaera. Ngkanne ko na tauraoi ni kamanena kanoan te jw.org n te mwakuri ni minita. Ai kakawakira te bwai ni mwakuri aei, ae buokira n toro iroun te Uea!—Mwa. 20:19.