Buokiia Am Aomata Bwa A na Tokanikai i Aon Anua Aika Aki Itiaki

A kona ni karekea te reitaki ae kaan ma Iehova tii naake a itiaki aroaroni maiuia. (1Be 1:​14-16) Ngkana a tokanikai naake a reirei n te Baibara i aon aroaroni maiuia aika bubuaka, e a kona n nakoraoi riki aia utu, marurungia, ao aia kataumwane.

Kamataatai raoi nakoia ana kaetieti Iehova, bukini kateani kaetieti akanne, ao kakabwaiaaia ngkana a tou mwia. Moanibwaia riki buokaia am aomata bwa a na bitii aroia n iaiango, ao ngkanne a a kona ni mwakuria. (Ebt 4:​22-24) Karaua nanoia bwa a boni kona n tokanikai i aon aroaroia aika bubuaka ae a taneiai iai, man ana ibuobuoki Iehova. (Brb 4:13) Reireinia bwa a na kakorakoraia ni butiia Iehova ngkana a kaririaki nakon te bure. Buokiia n atai baika kona ni kaririaki iai aika a na rarawa nako iai. Kaungaia bwa a na onei mwin aroaroia aika aki itiaki ni baika raraoi. E karekea te kimwareirei noraia am reirei n te Baibara ngkana a bitii aroia man ana ibuobuoki Iehova.

MATAKU N TE TAAMNEI AE BUOKIIA AM AOMATA BWA A NA TOKANIKAI I AON ANUA AIKA AKI ITIAKI, AO KAEKAI TITIRAKI AIKAI:

• 

  A kangaa unimwaane ao Neeta ni kaotiota onimakinan Jade?

• 

  E kangaa Neeta ni buoka riki Jade?

• 

  E kangaa Jade n ukera ana ibuobuoki Iehova?