Ko na Iangoa te Auxiliary Bwaiania?
1. Bukin tera bwa e angaraoi namwakainan te Kauring ibukini karababaan ara mwakuri ni minita?
1 E rangi n angaraoi namwakainan te Kauring ibukini karababaan ara mwakuri ni minita. Bon te tai are ti kona iai n iaiangoa ana tangira ae korakora Iehova ni katauraoan Natina bwa te karea ni kaboomwi. (Ioa. 3:16) Ti rangi ni kakaitau ibukin te bwai are e katauraoia Iehova ibukira, n te aro are e a kakorakoraa nanora ni kan tuangia tabemwaang taekana ao te baere e karaoia ibukia aomata. (Ita. 12:4, 5; Ruka 6:45) Bon te tai naba ae ti kona iai ni karaoa te mwakuri ae okoro ibukini kaoakia aomata aika tao ti kinaia ao kaain ara aono bwa a na kaea te Kauring ma ngaira. Imwina, ti kona ni kakorakoraira ni karikirakea kan ongoraeia te koraki ake a kaea te Kauring. Ko na iangoa karababaan am mwakuri ni minita ngkana ko auxiliary bwaiania ni Maati, Eberi ke Mei?
2. E kanga n riki Maati bwa te namwakaina ae angaraoi ibukin te auxiliary bwaiania?
2 Karika Maati Bwa te Namwakaina ae Okoro: E na angaraoi te namwakaina ae Maati ibukin te auxiliary bwaiania. A kona te koraki ake a anga araia n rineia bwa a na kakoroa te aoa ae kainnanoaki ae 30 ke 50. Ngkana e kawara te aono i nanoni Maati te mataniwi n te aono ae uarereke, a kona auxiliary bwaiania ni kaea te reirei are e na karaoia ma regular ao special bwaiania. Ni kabotauaki ma ririki aika nako, ao e a tia ni kaabwabwakaki maanin te mwakuri ibukini kabutani beeba ni kakao nakon te Kauring are e na karaoaki n te Kauabong, Maati 26, 2013, ao e na moanaki karaoana ni Maati 1. Irarikin anne, nimaua te wikeen i nanoni Maati. Mangaia are e aera ko aki karaua raoi n iangoia bwa ko na uataboa karikan te namwakaina aei bwa e rangi n okoro n te ririki?
3. Ti na kanga ni karaoi ara babaire ibukini karababaan ara mwakuri ni minita?
3 Babaire Mangkai: Bon aei te tai ae ko na rinanoa iai am babaire ao n nori bitaki aika ko riai ni karaoi bwa ko aonga ni bwaiania. E kakawaki te ibuobuoki i marenaia kaain te utu, mangaia are karekea ami tai n tain te Taromauri n Utu n te tairiki ni maroroakina iai tiaia kaain ami utu ao ni karaoa ami babaire. (TaeRab. 15:22) Tai kabwaraa nanom ngkana ko aki kona n auxiliary bwaiania. Ko kona ni bita am babaire bwa ko na aki waekoa n oki man te mwakuri ni minita ngkana ko uataboia? Ko kona ni karaoa te mwakuri ni minita n te bong riki teuana n te wiki?
4. Baikara kakabwaia aika a na reke mani kabatiaan ara mwakuri ni minita ni Maati, Eberi ao Mei?
4 Ngkai ti kabatiaa ara mwakuri ni minita ni Maati, Eberi ao Mei, ti na kabatiaa naba kimwareireira ao raun nanora ngkai ti beku ibukin Iehova ao n anga boni ngaira nakoia aomata. (Ioa. 4:34; Mwa. 20:35) Ma ae kakawaki riki, e na kimwareirei Iehova n ara kakorakora n anga boni ngaira.—TaeRab. 27:11.