Te Kaongora ae Boou Ibukini Moanakin te Maroro

Ni moa man Tianuare 2016, ao akun Te Taua-n-Tantani ibukia aomata nako e a kaotaki iai te kaongora ae “Tera ae Taekinaki n te Baibara?” Te kaongora ae boou aei e karaoaki bwa buokara ni moana te maroro i aon reirei n te Baibara. Titeboo teina ma ara turaeki. Iai te titiraki ni kammwakura te iango n rimwiaki ma te kaeka man te Baibara, n ikotaki ma baika kakawaki riki tabeua ibukin te maroro.

N angiin te tai, maroro aika tamaroa i aon reirei man te Baibara a a reke iai aomata aika reirei n te Baibara. Kabongana te kaongora ae boou aei ni buokiia riki aika bati ake a bwarua kanuaakia ni bwaai n taamnei.​—Mt 5:6.

ARONI KAMANENAANA:

1. Titirakina kaain te auti ana iango ni kaineti ma teuana i buakon taian titiraki

2. Kakauongo n ana kaeka ao kaitaua

3. Wareka te kibu i aan te atu ae “Ae Taekinaki n te Baibara,” ao titirakinna ana iango iai. Ngkana e mwaawa ana tai, reita te maroro ni kabongana te reirei ae kakawaki i aan te atu ae “Tera Riki Reireiara Man te Baibara?”

4. Aanga te maekatin

5. Bairea manga okim ni maroroakina te kauoua n titiraki