Nanomwaaka i Aan te Mwakuri n Ribuaka

Wareka Karikani Bwaai 37:23-28; 39:17-23 ni karekea reireiam man rongorongon Ioteba n nanomwaaka i aan te ribuaka.

Nenera kanoana. Tera ae karika karaoan te mwakuri n ribuaka nakon Ioteba? (KBwaai 37:3-11; 39:1, 6-10) Maanra Ioteba n nanomwaaka i aan te ribuaka? (KBwaai 37:2; 41:46) Tera ae karaoia Iehova ibukin Ioteba n te tai anne ao tera ae E aki karaoia?—KBwaai 39:2, 21; w23.01 17 ¶13.

Reiakina ae bati riki. E aki taekinaki n te Baibara taekan Ioteba n tei ibukina ni kakewea ana bukibuki buuni Botiba. A na kangaa kiibu aika imwina ni buokira n iangoia bwa bukin tera ngkai e motikia Ioteba bwa e na kainabwabu ke bukin tera ngkai ti aki riai ni kantaningaia bwa a na kaotaki baika riki ni kabane? (TaeRab. 20:2; Ioa. 21:25; Mwa. 21:37) Baikara aroaron Ioteba ake a buokia n nanomwaaka i aan te ribuaka?—Mika 7:7; Ruka 14:11; Iak. 1:2, 3.

Karekei reireiam. Titirakiniko aei:

• ‘Tera te mwakuri n ribuaka ae I kona ni kantaningaa rikina ngkai te tia rimwin Iesu ngai?’ (Ruka 21:12, 16, 17; Ebera 10:33, 34)

• ‘N na kangaa ni katauraoai bwa I aonga n tokanikai ni kaitaraa te mwakuri n ribuaka?’ (TaiAre. 62:7, 8; 105:17-19; w19.07 2-7)