Introdución á sección 14

Os primeiros cristiáns espallaron as boas novas do Reino ata os confíns da terra. Xesús dirixiunos para que soubesen onde predicar, e por medio dun milagre fixo que ensinasen a verdade nos idiomas que falaba a xente. Aínda que sufriron moita persecución, Xehová deulles o valor e o poder que precisaban para aguantar.

Nunha visión, Xesús mostroulle a Xoán a gloria de Xehová. Noutra, Xoán viu o Reino dos ceos acabando co Demo e o seu dominio para sempre. Xoán contemplou a Xesús como rei e outros 144.000 gobernando con el. Tamén viu toda a terra convertida nun paraíso onde todos adoraban a Xehová en paz e unidade.