Axuda para as vítimas da violencia doméstica
A Organización Mundial da Saúde (OMS) afirma: “A violencia contra a muller é un problema mundial de saúde pública de proporcións epidémicas para o que se necesitan medidas urxentes”. Esta organización calcula que case o 30% “de tódalas mulleres que tiveron unha relación sufriron violencia física e/ou sexual” por parte da súa parella. E un informe da ONU calcula que, nun ano recente, 137 mulleres morreron cada día no mundo asasinadas pola súa parella ou por outro membro da súa familia.a
Estas cifras poden mostrar o grave que é o problema da violencia doméstica, pero non son capaces de transmitir nin sequera unha pequena parte da dor emocional e física que sofre cada vítima.
Es ti quen está sufrindo por culpa da violencia doméstica? Ou coñeces a alguén que estea pasando por iso? Nese caso, quizais che poidan axudar estas ideas que aparecen na Biblia.
A violencia doméstica desaparecerá
Non é culpa túa
O que di a Biblia: “Cada un de nós terá que render contas de si mesmo a Deus” (Romanos 14:12).
Recorda isto: O que te maltrata é o responsable das súas accións.
Se a túa parella che bota a culpa a ti do dano que el che fai, está moi equivocado. Tódalas mulleres merecen que as queiran e non que as maltraten (Colosenses 3:19).
Nalgúns casos, a persoa que maltrata a outra ten un trastorno de personalidade, está influenciada pola súa crianza ou ten problemas co alcohol. Aínda así, é responsable diante de Deus por como te trata. É el quen debe esforzarse por cambiar.
Busca axuda
O que di a Biblia: “Onde non se fai xuntanza malógranse os planos, pero cúmprense cos moitos conselleiros” (Proverbios 15:22).
Recorda isto: Se non te sentes segura ou non sabes que facer, busca axuda.
Por que necesitas axuda? Se estás sufrindo por culpa da violencia doméstica, quizais esteas preocupada por moitas cousas e non saibas como actuar. Pode resultarche difícil saber que importancia ten cada un destes factores:
A túa seguridade persoal
Que é o mellor para os teus fillos
A túa situación económica
O amor que sentes pola túa parella
O desexo de salvar a túa relación coa esperanza de que a túa parella cambie
É normal que non saibas que facer e que sintas que a túa situación é demasiado complicada. A quen lle podes pedir axuda?
Un amigo ou un familiar de confianza pode axudarche de maneiras prácticas e darche o apoio emocional que necesitas. Falar con alguén que se preocupa por ti pode axudarche moito.
Os teléfonos para as vítimas da violencia doméstica poden darche axuda de maneira inmediata. Os que se encargan de atender estas liñas poden axudarche a elaborar un plan de acción para protexerte. Se a túa parella recoñece que necesita axuda e de verdade está disposto a cambiar, nestes teléfonos de emerxencia poderá encontrar a axuda que necesita para dar os primeiros pasos.
Outros servizos de emerxencia poden serche moi útiles se necesitas axuda urxente. Estes servizos poden poñerte en contacto con médicos, enfermeiras e outros profesionais especializados.
Non estás soa
O que di a Biblia: “O Señor [Xehováb] está preto do aflixido, salva ó asoballado” (Salmo 34:19 [34:18, TNM]).
Recorda isto: Deus promete axudarche.
Xehová preocúpase moito por ti (1 Pedro 5:7). El entende as túas preocupacións e os teus sentimentos máis profundos. E pode axudarche a través da súa Palabra, a Biblia. El quere que lle ores. Cando o fagas, podes pedirlle que che dea a sabedoría e as forzas que necesitas para facerlle fronte á túa situación (Isaías 41:10).
A violencia doméstica desaparecerá
O que di a Biblia: “Cada un sentará debaixo da súa parra e debaixo da súa figueira sen que ninguén o atemorice” (Miqueas 4:4).
Recorda isto: A Biblia promete que dentro de moi pouco tódalas familias desfrutarán de ter paz na súa casa.
Xehová ten a única solución definitiva a tódolos nosos problemas. A Biblia promete: “Secaralles tódalas lágrimas dos seus ollos, e a morte deixará de existir. Xa non haberá máis tristeza, nin choros, nin dor” (Apocalipse 21:4). Cando se cumpran estas palabras, os malos recordos desaparecerán e no seu lugar crearemos novos recordos que nos farán felices (Isaías 65:17). A Biblia promete que podes ter un futuro así, un futuro cheo de paz.
a Neste artigo, referímonos ás vítimas como mulleres, pero moitas das ideas que se analizan poden aplicarse tamén ás vítimas que son homes.
b A Biblia ensina que o nome de Deus é Xehová.