2023: Un ano cheo de preocupacións. O que di a Biblia

As cousas que sucederon durante o 2023 demostraron claramente que estamos vivindo no que a Biblia chama os “últimos días” (2 Timoteo 3:1, TNM). Fíxate en como as cousas que están pasando coinciden coas que a Biblia predixo que pasarían nos nosos días.

A Biblia e os sucesos mundiais

“Guerras e [...] noticias de guerras” (Mateo 24:6).

• “Os conflitos violentos están aumentando en moitas partes do mundo”.a

“Terremotos [...] en diversos lugares” (Marcos 13:8).

• “Desde que empezou o 2023, houbo 13 terremotos dunha magnitude superior a 7 por todo o mundo. Un dos valores máis altos desde que hai rexistro”.b

“Cousas espantosas” (Lucas 21:11).

• “A era do quentamento global acabou; agora empeza a era na que a Terra xa ferve” (António Guterres, secretario xeral da ONU).c

“Fame” (Mateo 24:7).

• “2023: Outro ano extremadamente difícil para os que lles é complicado dar de comer á súa familia”.d

“Tempos críticos e difíciles de soportar” (2 Timoteo 3:1, TNM).

• “Unha de cada oito persoas en todo o mundo sofre algún tipo de problema de saúde mental”.e

Que podemos esperar do 2024?

Ninguén pode saber con exactitude o que pasará no 2024. Pero os sucesos mundiais indican que pronto o Reino de Deus, o seu goberno celestial, substituirá tódolos gobernos humanos e acabará con todo o que nos angustia e nos fai sufrir (Daniel 2:44; Apocalipse 21:4).

Mentres tanto, cando sintamos ansiedade ou angustia, podemos confiar na axuda de Deus. A Biblia di:

“Cando teño medo, confío en ti” (Salmo 56:3, TNM).

Como podemos demostrar que confiamos en Deus? Invitámoste a saber máis sobre a promesa da Biblia dun futuro sen sufrimento. Proba o noso curso interactivo e gratuíto da Biblia e descubre como ti e a túa familia vos podedes beneficiar das promesas da Biblia.