Empatía

Que fixo Xesús?

VÍDEO: Xesús sente compaixón pola multitude

1. Mira o VÍDEO ou le Marcos 6:30-34. Despois pensa nas seguintes preguntas:

1. Por que buscaron un lugar para estar sós Xesús e os seus apóstolos?

2. Que motivou a Xesús a seguir ensinándolles ás persoas?

Que podes aprender de Xesús?

2. A empatía motívanos a preocuparnos polas persoas, non só a predicarlles.

Imita o exemplo de Xesús

3. Escoita con atención. Deixa que a persoa se exprese con liberdade e non a interrompas. Tampouco menospreces os seus sentimentos, preocupacións ou obxeccións. Se a escoitas con atención demostrarás que che interesa o que pensa.

4. Pensa na persoa. Recorda o que falaches con ela e pregúntate:

1. Por que necesita escoitar a verdade?

2. Como mellorarían o seu día a día e o seu futuro ó estudar a Biblia?

5. Trata temas que lle interesen á persoa. Tan pronto poidas, demóstralle como un curso da Biblia pode responder as súas preguntas e axudarlle de formas prácticas.